ხორავას ქუჩაზე მოზარდების მკვლელობის საქმის პროკურორის ზვიად ფხაკაძის განმარტებით, დავით სარალიძესთან დაკავშირებით ბრალდებულებს ჯგუფურად ჩადენილი განზრახ მკვლელობა ედებათ ბრალად.

რაც შეეხება კიდევ ერთ გარდაცვლილს, ლევან დადუნაშვილს, გამოძიების ინფორმაციით, ის ერთ-ერთმა ბრალდებულმა მოკლა.

„დავით სარალიძის მიმართ ბრალდებულებს განზრახ ჯგუფურად ჩადენილი მკვლელობა ედებათ ბრალად, ერთ ბრალდებულს კი, არასრულწლოვანის მიმართ ჩადენილი მკვლელობა“, - განაცხადა პროკურორმა და დასძინა, რომ საქმეში ფიგურირებს ორი დანა, რომელიც ამოღებულია გამოძიების მიერ.

„ბრალდების მხარე დაადასტურებს იმ გარემოებას, რომ მკვლელობა მხოლოდ ამ ორი დანით იქნა ჩადენილი. შემთხვევის ადგილზე 25-მდე პირი იმყოფებოდა, თუმცა მკვლელობა ამ ორი ბრალდებულის მიერ არის ჩადენილი“, - განაცხადა ზვიას ფხაკაძემ. 

ცნობისთვის, ხორავას ქუჩაზე მოზარდების მკვლელობის საქმის არსებითი განხილვის პირველი სხდომა მიმდინარეობს. დღევანდელ პროცესზე მხარეები სასამართლოს წინაშე შესავალი სიტყვით წარსდგებიან.

ავტორი: ,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს