2018-01-17 11:26:55, 2770 ნახვა

---

გუტიერეში: საქართველოში, უკრაინასა და მთიან ყარაბაღში კონფლიქტების დარეგულირება გაერო-ს მუშაობის პრიორიტეტი გახდება

„საქართველოში, უკრაინაში, მთიან ყარაბაღსა და დნესტრისპირეთში არსებული კონფლიქტების დარეგულირება გაეროს მუშაობის ერთ-ერთი პრიორიტეტი გახდება“,-ამის შესახებ გაეროს გენერალურმა მდივანმა ანტონიო გუტიერეშმა   განაცხადა.

"მომვალი წლის განმავლობაში გაეროსთვის ერთ-ერთი მთავარი პრიორიტეტი იმ პარალიზების შეწყვეტაა, რომელსაც ევროპაში არსებული კონფლიქტების გამწვავება და გაყინვა მოჰყვა. მოცემული სიტუაციის გადაჭრა, ნაციონალიზმისთვის წინააღმდეგობის გაწევას მოითხოვს. კვლავ უნდა გამოცოცხლდეს სამშვიდობო შუამავლობის ინიციატივები, მათ შორის, ნორმანდიის ფორმატი აღმოსავლეთ უკრაინისთვის, ეუთოს მინსკის ჯგუფის შეხვედრები მთიანი ყარაბაღისთვის, ასევე საქართველოსთან დაკავშირებული ჟენევის საერთაშორისო მოლაპარაკებები. მე მოვუწოდებ ევროპის ლიდერებს, დავამტკიცოთ, რომ კონტინენტს მშვიდობიანი თანაცხოვრების იდეის განხორციელება შეუძლია," - აღნიშნა გუტიერეშმა.

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი