ტრანსპორტის საქალაქო სამსახურს ახალი ფუნქციები ემატება.

ამის შესახებ მერიის სტრუქტურულ პრეზენტაციაზე ვიცე-მერმა ირაკლი ხმალაძემ განაცხადა.

სამსახურს ორი ძირითადი მიმართულება ექნება: ტრანსპორტის განვითარების პოლიტიკის განსაზღვრა და ურბანული პოლიტიკის შემუშავებაში, გატარებაში და ქალაქმშენებლობითი პროცესების მართვაში მონაწილეობა.

„ტრანსპორტის საქალაქო სამსახურს ორი ახალი მიმართულება ემატება: ეს არის სატრანსპორტო პოლიტიკის განსაზღვრა, რაზეც, სამწუხაროდ, აქამდე ნაკლებად იყო ყურადღება გამახვილებული და ჩვენ ვთვლით, რომ ეს არის ერთ-ერთი ყველაზე მნიშვნელოვანი მიმართულება, რითიც უნდა დაკავდეს ტრანსპორტის საქალაქო სამსახური. უნდა არსებობდეს ტრანსპორტის განვითარების გრძელვადიანი ხედვა და ამის შესაბამისად უნდა დაიგეგმოს ქალაქმშენებლობითი პროცესები. რასაკვირველია, საჭიროა ისევ და ისევ ურბანული განვითარების საქალაქო სამსახურთან კოორდინაცია, თითოეულ გადაწყვეტილების მიღების პროცესის დასაწყისშივე მონაწილეობა იმისთვის, რომ მომდევნო ეტაპზე, უკვე მშენებლობის ნებართვის გაცემის ეტაპზე არ გვჭირდებოდეს  იმაზე ფიქრი, შეექმნება თუ არა ტრანსპორტს პრობლემა. დაგეგმარების ეტაპზევე უნდა მოხდეს ამ სამსახურის ჩართვა და ამით დაზღვეულები ვიქნებით ყოველგვარი პრობლემებისგან, რაც შეიძლება ტრანსპორტის სისტემაში განვითარდეს“, - განაცხადა ირაკლი ხმალაძემ.

(NS)

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს