სააკაშვილი უკრაინის უსაფრთხოების სამსახურის წინააღმდეგ, სტრასბურგში სარჩელს შეიტანს

2017-12-26 13:48:14, 3122 ნახვა

მსოფლიო

საქართველოს მესამე პრეზიდენტი მიხეილ სააკაშვილი ადამიანის უფლებათა დაცვის ევროპულ სასამართლოში სარჩელის შეტანას გეგმავს, - ამის შესახებ ოდესის ყოფილმა გუბერნატორმა უკრაინის უსაფრთხოების სამსახურის შენობის წინ გამართულ ბრიფინგზე განაცხადა.

როგორც სააკაშვილმა განმარტა, მისი სარჩელი შეეხება უკრაინის უსაფრთხოების სამსახურის მიერ მის "გატაცებას".

"მათ გამიტაცეს სახლიდან, ყველანაირი დოკუმენტის გარეშე, რომელიც ჩემი დაკავების უფლებას მისცემდათ", - დასძინა ყოფილმა პრეზიდენტმა.

შეგახსენებთ, რომ 8 დეკემბერს მიხეილ სააკაშვილი დააკავეს და წინასწარი დაკავების იზოლატორში გადაიყვანეს. სააკაშვილის დაკავება ერთ-ერთი ყოფილი მაღალჩინოსნის სახლში მოხდა, სადაც ოდესის ყოფილი გუბერნატორი მკურნალობას გადიოდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები