,,ის ინფრასტრუქტურული პროექტები, რომელთა დაფინანსებაც ჩვენთვის საციცოცხლოდ მნიშვნელოვანია, დაფინანსდება სწორედ ამ რეფორმის შესაძლებლობით. გამომდინარე მაკროეკონომიკური ჩარჩოს გაუმჯობესებიდან, ჩვენ შევძელით,  რომ პრაქტიკულად ყველა საფინანსო ორგანიზაციიდან გვაქვს სრული მხარდაჭერა“, - ამის შესახებ პირველმა ვიცე-პრემიერმა დიმიტრი ქუმსიშვილმა საკომიტეტო მოსმენაზე განაცხადა.

მან თავის გამოსვლაში ლარიზაციის რეფორმას გაუსვა ხაზი.

,,ერთი ძალიან მნიშვნელოვანი რეფორმა, რომელიც ჩვენ 2016 წლის ბოლოს დავიწყეთ და 2017 წლის ბოლოს გავაგრძელეთ, არის ლარიზაციის რეფორმა. მე ვთვლი, რომ არის ძალიან წარმატებული რეფორმა. ამ მიმართულებით ჩვენ ათსაფეხურიანი მოქმედების გეგმა შევიმუშავეთ ეროვნულ ბანკთან ერთად და დავიწყეთ მისი იმპლემენტაცია. მათ შორის, დღეს უკვე გატარებული საკანონმდებლო ინიციატივით მოვახერხეთ ის, რომ მიკროსაფინანსო ორგანიზაციებში პრაქტიკულად 70 % ლარში არის გადასული და ძალიან მალე, თითქმის მთელი მიკროსაფინანსო ორგანიზაციების დაკრედიტება იქნება ლარში გადასული. ეს ნიშნავს იმას, რომ ყველაზე მოწყვლად ფენას არ ექნება შესაბამისი რისკის ფაქტორი საგარეო ფაქტორებიდან გამომდინარე“, –  განაცხადა დიმიტრი ქუმსიშვილმა.

პირველი ვიცე-პრემიერის თქმით, ზოგადად, კომერციულ ბანკებში პორტფელის ლარიზაციის მიმართულებით ძალიან მნიშვნელოვანი შედეგებია. 

„ზოგადად ლარიზაციის, ან ეროვნულ ვალუტაზე ეკონომიკის გადაყვანის პროცესი ქვეყნებში გრძელდება 5-7 წელი. გვაქვს მაგალითებიც, როდესაც 10 წელიც გაგრძელდა. თუმცა ჩვენ, მოკლე პერიოდში საკმაოდ საგრძნობი შედეგები მივიღეთ. ჩვენ მხოლოდ ფიზიკური პირების სესხების ლარიზაციის მიმართულებით,  მთლიანი პორტფელი  54, 6 %-მდე გავზარდეთ. ამ მიმართულებით, როგორც მოგახსენეთ, ქმედებები და იმპლემენტაცია აუცილებლად გაგრძელდება, და შესაბამისად, მაქსიმალურად შევამცირებთ ჩვენი ქვეყნის მოსახლეობის გარე ფაქტორებზე დამოკიდებულებას", - აღნიშნა დიმიტრი ქუმსიშვილმა.

მისივე განცხადებით,  მთავრობის მიერ გადადგმულმა  გადადგმულმა ნაბიჯებმა  შესაძლებლობა მოგვცა,  2016 წლის ნოემბერში განახლებულიყო მოლაპარაკებები საერთაშორისო სავალუტო ფონდთან, რომელიც წარმატებით დასრულდა უკვე 2017 წლის აპრილში. „მინდა აღვნიშნო, რომ საერთაშორისო სავალუტო ფონდის პროგრამა, რომელიც  მივიღეთ, სარკისებურად ასახავს ჩვენს 4 პუნქტიან გეგმას. ეს არის ძალიან მნიშვნელოვანი“, - განაცხადა ქუმსიშვილმა.

(NS)

ავტორი: ,

სოციალური ქსელები

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა