15 წლის მოზარდი, რომელიც რუსთაველიზე გამზირზე, პირველი რესპუბლიკის სკვერში დაჭრეს, ვარკეთილში მდებარე კერძო სკოლის „ოქროს აკვანის“ მოსწავლეა.

როგორც სკოლის დირექტორმა მაია მიქაძემ „რუსთავი 2“-ის ეთერში განაცხადა, დაჭრის ფაქტს სკოლის ტერიტორიაზე არანაირი ინციდენტი არ უძღოდა წინ.

მისივე თქმით, მომხდარის შესახებ ინფორმაცია შინაგან საქმეთა სამინისტროდან მიაწოდეს.

"არ ვიცი რა ხდება, ახლა ავდივარ საავადმყოფოში და გავარკვევ. ისიც არ ვიცი ჯერ, როგორ არის. ბავშვი არის აბსოლუტურად უკონფლიქტო, ძალიან მშვიდი და კარგი. დღეს გაკვეთილებს ჩვეულებრივად ესწრებოდა. წელს გადმოვიდა ჩვენ სკოლაში თუ არ ვცდები. შემიძლია ვთქვა, რომ არანაირი ინციდენტი წინ არ უძღოდა დაჭრის ფაქტს, რადგან ყველაფერს ძალიან ვაკვირდებით, განსაკუთრებით ბოლო დროს განვითარებული მოვლენების ფონზე", - განაცხადა მიქაზემ.

ცნობისთვის, მოზარდი დღეს რუსთაველის გამზირზე, პირველი რესპუბლიკის პარკში დაჭრეს. ის ინგოროყვას კლინიკაში გადაიყვანეს და მისი ჯანმრთელობის მდგომარეობა მძიმეა. შსს-ს ინფორმაციით, მომხდართან დაკავშირებით გამოძიება სსკ-ის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.

ავტორი: ,

სოციალური ქსელები

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს