2015-05-08 11:39:08, 385 ნახვა
პოლიტიკა
კვიპროსმა საქართველოსთან ასოცირების შესახებ შეთანხმების რატიფიცირება მოახდინა
კვიპროსის რესპუბლიკის წარმომადგენელთა პალატამ ევროკავშირსა და საქართველოს შორის ასოცირების შესახებ შეთანხმების რატიფიკაცია მოახდინა.
ამის შესახებ „ექსპრესნიუსს“ საგარეო საქმეთა სამინისტროდან აცნობეს.
უწყების ინფორმაციით, დოკუმენტს ხმათა უმრავლესობით დაუჭირეს მხარი.
კვიპროსის მრავალპარტიულ პარლამენტში კენჭისყრისას თავი მხოლოდ მშრომელთა პროგრესული პარტის (AKEL) დეპუტატებმა შეიკავეს. სხვა პოლიტიკურმა ძალებმა ასოცირების შეთანხმების რატიფიცირების საკითხში მხარდაჭერა დააფიქსირეს.
კვიპროსი რიგით 20-ე ევროკავშირის წევრი ქვეყანაა რომელმაც საქართველოსთან ასოცირების შესახებ შეთანხმების რატიფიცირება განახორციელა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
