საპარლამენტო უმცირესობის წევრის გიორგი ვაშაძის შეფასებით, პრემიერ–მინისტრი ირაკლი ღარიბაშვილი „ნაციონალური მოძრაობის“ პროექტების განხორციელებას იბრალებს.

ამის შესახებ ვაშაძემ პარლამენტში განაცხადა, სადაც საპარლამენტო უმცირესობა მთავრობის მეთაურს და მინისტრთა კაბინეტის წევრებს ხვდება.

„არ გრცხვენიათ, როცა ლილოში არქივის გახსნაზე საუბრობთ, რომელიც პირადად მე გავხსენი?! სირცხვილია, როდესაც სოფლებში იუსტიციის სახლების გახსნაზე საუბრობთ, 20 პროექტიაო უკვე გაკეთებული. 20–დან 15 იყო გახსნილი და აქედან უმეტესობა პირადად ჩემი გახსნილია. როცა საუბრობთ ლაზიკის პორტზე, რაც ვირტუალურ პროექტად აქციეთ თქვენ, დღეს ის  აშენებული იქნებოდა და გემებს მიიღებდა ლაზიკაში, თითქმის 3 წელია ამ პროექტებზე საუბრობთ და არაფერი გაგიკეთებიათ.  არ გრცხვენიათ, როდესაც მოზიდულ ინვესტიციებზე საუბრობთ,როცა ამ ინვესტიციების უმრავლესობა  2012 წლის ოქტომბრამდეა მოზიდული. არც ერთი მსხვილი საინვესტიციო პროექტი არ დაგიწყიათ თქვენ“, – აღნიშნა ვაშაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ