ფინანსთა მინისტრი მამუკა ბახტაძე მსოფლიო ბანკის რეგიონულ დირექტორს შეხვდა. 

მამუკა ბახტაძემ და მსოფლიო ბანკის რეგიონულმა დირექტორმა სამხრეთ კავკასიაში მერსი ტემბონმა მსოფლიო ბანკის საქართველოსთან თანამშრომლობის საკითხები განიხილეს.
 
ფინანსთა მინისტრმა, მამუკა ბახტაძემ  ხაზი გაუსვა იმ პარტნიორობის მნიშვნელობას, რომელსაც მსოფლიო ბანკი, როგორც ერთ-ერთი მნიშვნელოვანი დონორი, უწევს ქვეყანას როგორც სახელმწიფო ისე კერძო სექტორის  დაფინანსების მიმართულებით და იმედი გამოთქვა, რომ მსოფლიო ბანკთან კვლავ გაგრძელდება წარმატებული თანამშრომლობა. მისი თქმით, განსაკუთრებით მნიშნელოვანია,
მსოფლიო ბანკის მხარდაჭერა საქართველოს მთავრობას რეფორმების ოთხპუნქტიანი გეგმის განხორციელების პროცესში.
 
ბიუჯეტის მხარდამჭერი პროგრამები, მაღალი ხარისხის ჯანდაცვის მომსახურების უზრუნველყოფის ღონისძიებები, ბიზნეს გარემოს შემდგომი სრულყოფა, განათლების სფეროს მხარდაჭერა, კაპიტალის ბაზრის განვითარება, საპენსიო სისტემის შექმნა, ექსპორტის, ბიზნესის ხელშეწყობა ინოვაციების კუთხით, ინფრასტრუქტურული პროექტების დაფინანსება - ესაა მიმართულებები, რომელსაც მსოფლიო ბანკი მხარს უჭერს საქართველოში.   
 
როგორც ფინანსთა მინისტრმა აღნიშნა, საქართველო, ასევე, ახორციელებს ისეთ მნიშვნელოვან ინსტიტუციურ რეფორმებს  როგორიცაა: კაპიტალის ბაზრის რეფორმა,  დეპოზიტების დაზღვევის სისტემის შექმნა,  კერძო და საჯარო თანამშრომლობის სისტემის შექმნა, გამომდინარე აქედან, მნიშვნელოვანი იქნება მსოფლიო ბანკთან თანამშრომლობის გაღრმავება ამ მიმართულებით.  
 
შეხვედრაზე ასევე საუბარი შეეხო შემდგომ წლებში განსახორციელებელი პროექტებისა და პროგრამების შეთანხმებას, რომელიც ასახული იქნება მსოფლიო ბანკსა და საქართველოს შორის თანამშრომლობის სტრატეგიაში მომდევნო 4-წლიანი პერიოდისთვის.

(NS)

ავტორი: ,

სოციალური ქსელები

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება