საქართველოს პარლამენტის თავმჯდომარის, სახელმწიფო საკონსტიტუციო კომისიის ხელმძღვანელის, ირაკლი კობახიძის განცხადებით, ქორწინების დეფინიციის კონსტიტუციის დონეზე დაზუსტება ძალიან მნიშვნელოვანი იყო.

როგორც კობახიძემ საკონსტიტუციო ცვლილებების საყოველთაო-სახალხო განხილვაზე განაცხადა, კონსტიტუციის 30-ე მუხლის ახალ რედაქციაში აღნიშნულია, რომ ქორწინება, როგორც ქალისა და მამაკაცის კავშირი ოჯახის შექმნის მიზნით, ემყარება მეუღლეთა უფლებრივ თანასწორობასა და ნებაყოფლობას. კობახიძის მტკიცებით, ეს ჩანაწერი  დისკრიმინაციის საფუძველი ვერ გახდება, რადგან დისკრიმინაციას დისკრიმინაციის ყველა ფორმის აღმოფხვრის შესახებ  მიღებული კანონი კრძალავს:

„30-ე მუხლი ეხება ქორწინების უფლებას, დედათა და ბავშვთა უფლებებს. იყო ძალიან ფართო დისკუსია საზოგადოებაში და ჩვენ მივიღეთ გადაწყვეტილება, რომ დაგვეზუსტებინა ქორწინების დეფინიცია. კერძოდ, ახალ რედაქციაში აღნიშნულია, რომ ქორწინება, როგორც ქალისა და მამაკაცის კავშირი ოჯახის შექმნის მიზნით, ემყარება მეუღლეთა უფლებრივ თანასწორობასა და ნებაყოფლობას. აქ იყო მოსაზრება გამოთქმული ვენეციის კომისიის მხრიდან, რომ ეს ჩანაწერი დისკრიმინაციის საფუძველი არ უნდა გახდეს, თუმცა გვაქვს მიღებული შესაბამისი კანონმდებლობა. დისკრიმინაცია ყველა ფორმით არის შეზღუდული და აკრძალული. აქედან გამომდინარე, ვფიქრობთ, ვერავითარ შემთხვევაში ეს ჩანაწერი ვერ გახდება დისკრიმინაციის საფუძველი. ძალიან მნიშვნელოვანი იყო ქორწინების დეფინიციის დაზუსტება კონსტიტუციის დონეზე და ეს მნიშვნელოვანი ცვლილება არის შეტანილი კონსტიტუციის 30-ე მუხლის ახალ რედაქციაში“,-განაცხადა ირაკლი კობახიძემ.

ავტორი: ,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.