საქართველოში საბერძნეთის საელჩო, საქართველოსთან დიპლომატიური თანამშრომლობის 25 წლის იუბილეს აღსანიშნავად, 17 ნოემბერს 18:00 საათზე, თანამედროვე ხელოვნების მუზეუმში უმასპინძლებს ფოტოგამოფენის „ფოტოგრაფიული მარშრუტი ათონის მთაზე 1969-2001“ ოფიციალურ გახსნას. ღონისძიების გენერალური სპონსორი „ვითიბი ბანკია“.

აღნიშნული გამოფენა, პირველად 2006 წლის ზაფხულში, ათენის ბენაკის მუზეუმში გაიმართა. მას შემდეგ, მოიარა მთელი მსოფლიო და ახლა პირველად წარსდგება ქართველი დამთვალიერებლის წინაშე. გამოფენა შედგება კოსტას ბალაფასის მიერ 1969-2001 წლებში ათონის მთაზე გადაღებული 50 რჩეული ფოტოსაგან.

კოსტას ბალაფასი ბერძნული ფოტოგრაფიის ერთ-ერთი უდიდესი დიდოსტატია. იგი ასევე წარმოადგენდა ომისშემდგომი პერიოდის ჰუმანისტური ფოტოგრაფიის წინამძღოლს. მისი ფოტოები წარმოადგენენ ბერძნული ისტორიისა და საზოგადოების ამსახველ უნიკალურ ძეგლებს, რომლებშიც ძირითადად აღბეჭდილია ჩვეულებრივი ბერძნების ყოველდღიური ცხოვრება და მათი თანმდევი რუტინა.

გამოფენა „ფოტოგრაფიული მარშრუტი ათონის მთაზე 1969-2001“, თანამედროვე ხელოვნების მუზეუმში 27 ნოემბრამდე გასტანს.

(R)

ავტორი: ,

სოციალური ქსელები

ირანი აცხადებს, რომ აშშ-ის საჰაერო თავდასხმების შედეგად 14 ადამიანი დაიღუპა

აი ჯი დეველოფმენტ ჯორჯიამ, გალტ & თაგარტის ექსკლუზიური მხარდაჭერით, 39.5 მილიონი აშშ დოლარის მწვანე ობლიგაციები განათავსა

კორეული პრემიუმ ბრენდი Manyo უკვე PSP-შია

სახელმწიფოს ლამარიას მონასტრის ტერიტორიაზე კელიების სამშენებლო სამუშაოებზე სააგენტოს ნებართვა არ გაუცია, ეპარქია თავს იმართლებს