ყრუ და სმენადაქვეითებული პირები დღეიდან სახელმწიფო სერვისების განვითარების სააგენტოს სერვისებით დისტანციური მომსახურებით ისარგებლებენ.

სააგენტოს ინოვაციური სერვისების ლაბორატორიის ინიციატივით, 5 მაისიდან შეზღუდული შესაძლებლობის მქონე პირები სახლიდან გაუსვლელად შეძლებენ  31 სახელმწიფო სერვისის მიღებას.
შემუშავებული პროექტის კონცეფცია მიზნად ისახავს შეზღუდული შესაძლებლობის მქონე პირებისთვის სახელმწიფო სერვისების ხელმისაწვდომობის უზრუნველყოფას.

როგორც ჟურნალისტებთან საუბრისას, სერვისების სააგენტოს თავმჯდომარემ შიო ხეცურიანმა აღნიშნა,  ყრუ და სმენადაქვეითებულ მოსახლეობისთვის აღნიშნული  სერვისით სარგებლობა შესაძლებელი იქნება sda.gov. ge - დან    და Skype-ს მეშვეობით. 
„ყრუ და სმენადაქვეითებულ მოსახლეობას დღეიდან  უკვე შესაძლობლობა ექნებათ სახელმწიფო სერვისების განვითარების სააგენტოს დისტანციური სერვისცენტრის სარგებლობის.  მათთვის ეს შესაძლებელი იქნება ჩვენი ვებ საიტიდან, Skype-ს მეშვეობით sda.gov. ge - დან .  მათ შეეძლებათ Skype-ს მეშვეობით დაუკავშირდნენ ჩვენს თანამშრომლებს და მიიღონ შესაბამისი კონსულტაცია ან  მიიღონ შესაბამისი მომსახურება. სერვისების განვითარების სააგენტო აგრძელებს სახელმწიფო სერვისების ხარისხის ამაღლებას, ასევე ხელმისაწვდომობის გაზრდას, ამის ფარგლებში ინოვაციური ლაბორატორია მუშაობს შეზღუდული შესაძლებლობის მქონე პირებისთვის სხვა სერვისების დანერგვას“,-განაცხადა შიო ხეცურიანმა. 

დღეიდან ყოველი სამუშაო დღის 09:00 საათიდან 21:00 საათამდე ყრუ და სმენადაქვეითებული პირები შეძლებენ განაცხადა გააკეთეონ ისეთი სერვისების მიღებაზე, როგორიც არის: განმეორებითი ბიომეტრიული პასპორტის, დაბადების, ქორწინების, განქორწინების, შვილად აყვანის, მამობის დადგენის, სახელის ან/ და გვარის შეცვლის განმეორებითი მოწმობის მიღება და სხვა.

აღნიშნული სერვისებით სარგებლობის მსურველებს საშუალება აქვთ კონსულტაციის მისაღებად  Skype-ის  მეშვეობით დაუკავშირდნენ sda.ge   დაუკავშირდნენ დისტანციური  სერვისების სამსახურს და მათ კონსულტაციას კვალიფიციური სპეციალისტები ჟესტების ენაზე გაუწევენ.
აღსანიშნავია,საქართველოს  პრიორიტეტად აღიარებულია სახელმწიფო სერვისების ხარისხისა და ხელმისაწვდომობის ამაღლება, რაც ასევევ მოიცავს შეზღუდული შესაძლებლობების მქონე პირებისთვუს ეტაპობრივად ყველა საჭირო სერვისზე წვდომის უზრუნველყოფას.

 სახელმწიფო სერვისების განვითარების სააგენტო   აგრძელებს მუშაობას შეზღუდული შესაძლებლობის  მქონე  მოქალაქეების საწიროების იდენტიფიცირებაზე  და უკვე დაგეგმილია  სერვისების ადაპტირება უსინათლოებისთვის. 

ახალი სერვისების პრეზენტაცია სერვისების განვითარების სააგენტოს  თავმჯდომარემ შიო ხეცურიანმა გამართა. აღნიშნულ ღონისძიებას საქართველოს ყრუთა კავშირის პრეზიდენტი ამირან ბატატუნაშვილი დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს