„ანატოლი ბიბილოვის და გალუსტ სააკიანის  შეხვედრა პროვოკაციის შემცველია, მაგრამ მასზე რაიმე სერიოზული რეაგირება ნაადრევია“,-ასე შეაფასა  დამოუკიდებელ ექსპერტთა კლუბის პრეზიდენტმა  სოსო ცისკარიშვილმა  „ექსპრესნიუსთთან“ საუბარში  სომხეთის ეროვნული კრების თავმჯდომარის გალუსტ სააკიანის და ე.წ. სამხრეთ ოსეთის  დე ფაქტო პარლამენტის სპიკერის ანატოლი ბიბილოვის შეხვედრა.
მისივე თქმით, აღნიშნული შეხვედრის ერთ-ერთი წინაპირობა, შესაძლოა, რუსეთის მხრიდან ზეწოლა ყოფილიყო.
„სამხრეთ ოსეთის ე.წ. თავკაცთან შეხვედრა რასაკვირველია, გარკვეული პროვოკაციის შემცველია, მაგრამ მასზე რაიმე სერიოზული რეაგირება, ჩემი აზრით, ნაადრევია. სიღრმისეულად უნდა ჩავიხედოთ  - რა იყო ასეთი განცხადებების და შეხვედრის წინაპირობა. ორი მოსაზრება მაქვს:  ერთი, რომ იზრდება ზეწოლა რუსეთის მხრიდან და მეორე, რაც, ჩემთვის უფრო საყურადღებო გახლავთ, ერევანის დამოკიდებულება იმ ფაქტთან როგორი ეკონომიკური და თავდაცვითი სიამტკბილობა აშენდა ანკარას, თბილისსა და ბაქოს შორის. რასაკვირველია, გარკვეული შეშფოთება, პლუს ასეთი ჩამოყალიბება ალბათ დაისადგურა ჩვენს მოძმე ერის ლიდერებში და ამასთანავე, პრაქტიკულად ჩვენ თუნდაც გარედან, რომ შევხედოთ სიტუაციას, შესაძლოა ვიფიქროთ, იმ  ბალანსის დარღვევაზე, რომელიც საშუალებას აძლევდა საქართველოს გარკვეული თანაბარუფლებიანი ნაბიჯები გადაედგა როგორც სომხეთის, ასევე აზერბაიჯანის მიმართ. ამჟამად გამოსავლად მიმაჩნია არცთუ სტანდარტული ნაბიჯი, რომელიც ჩემი აზრით უკეთესია, რაც შეიძლება მალე გადადგას საქართველომ და ეს იქნება რეგიონში კიდევ ერთი სამეულის შექმნა, იმავე ეკონომიკური ინტერესების გათვალისწინებით და ამ სამკუთხედის თითოეულ წევრში ვიგულოთ თბილისი, ერევანი და თეირანი“,-განაცხადა სოსო ცისკარიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ