საქართველო-ევროკავშირის ურთიერთობების დღის წესრიგით განსაზღვრული პრიორიტეტები, ქვეყანაში მიმდინარე პოლიტიკური და ეკონომიკურ-სოციალური რეფორმები; რეგიონის უსაფრთხოების კუთხით არსებული გამოწვევები და ამ მიმართულებით ევროკავშირის როლის გაძლიერების მნიშვნელობა, - ეს საქართველოს პრემიერ-მინისტრ ირაკლი ღარიბაშვილისა და ევროპული სამეზობლო პოლიტიკისა და გაფართოებაზე მოლაპარაკებების საკითხებში ევროკომისრის იოჰანეს ჰანის შეხვედრის მთავარი თემები იყო.
პრემიერმა ევროკომისარს ვიზიტისთვის მადლობა გადაუხადა და აღნიშნა, რომ მთავრობა მას საქართველოს ევროპული მომავლისადმი მკაფიო მხარდაჭერად განიხილავს.
ევროკომისართან შეხვედრისას განსაკუთრებული ყურადღება დაეთმო რუსეთის დესტრუქციულ პოლიტიკას, აფხაზეთის საოკუპაციო რეჟიმთან  „მოკავშირეობისა და ინტეგრაციის“ შესახებ ე.წ შეთანხმების ხელმოწერას და ცხინვალის რეჟიმთან ანალოგიური შეთანხმების გაფორმების გეგმას.
განხილვის ერთ-ერთი მთავარი თემა იყო რიგის „აღმოსავლეთ პარტნიორობის“ სამიტი, რომელზეც საქართველო კონკრეტული შედეგების დემონსტრირებას გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა