ანალიტიკოსი ზაალ ანჯაფარიძის განცხადებით, ცესკოს თავმჯდომარეს თამარ ჟვანიას, გადაეცა საარჩევნო პროცესების განვითარების ხელშეწყობისთვის ჯოსი ბაქსტერის ჯილდო, რაც ჩვენი არჩევნების და საარჩევნო სისტემის აღიარებას ნიშნავს.

"მკითხველისათვის განვმარტავ, რომ ეს არის ვაშინგტონში განლაგებული დემოკრატიული არჩევნების ხელშემწყობი, ცნობილი, საერთაშორისო ორგანიზაციის  International Foundation for Electoral Systems (IFES) ჯილდო. სხვათა შორის,თამარ ჟვანიას თავმჯდომარეობის პერიოდში ცესკომ ორი საერთაშორისო, პრესტიჟული, ჯილდო მიიღო, მათ შორის, ერთ-ერთ საარჩევნო პროცესში უმცირესობების ჩართულობისათვის. ასეთი ჯილდოები, ისე უბრალოდ არ გაიცემა და ეს არის ჩვენი არჩევნების და საარჩევნო სისტემის აღიარება. ასევე, ეს არის  საუკეთესო და ობიექტური პასუხი მისი კრიტიკოსებისთვის", - განაცხადა ზაალ ანჯაფარიძემ.

მისივე თქმით, ჯილდო, აღიარებასთან ერთად, ნიშნავს ნდობასა და მაღალ საარჩევნო სტანდარტების მოთხოვნას ჩვენგან, უბრალოდ, უფლებას არ აძლევს ცესკოს და ხელისუფლებას ამ სტანდარტებს გადაუხვიონ.

"ბუნებრივია და ლოგიკურიც, რომ ხელისუფლებამ ყველაფერი უნდა იღონოს არჩევნების სამართლიან, მშვიდ და დემოკრატიულ გარემოში ჩასატარებლად და კანონის და კონსტიტუციის დაცვით აღკვეთოს ის საფრთხეები და გამოწვევები რაც ამ პროცესს შეიძლება დაემუქროს" განაცხადა ანალიტიკოსმა.

თამარ ჟვანიას ჯილდო ვაშინგტონში 2 ოქტომბერს გადასცეს.             

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს