ამერიკის შეერთებული შტატების სახელმწიფო დეპარტამენტმა UNESCO-ს ორგანიზაციის დატოვების თაობაზე ოფიციალური განცხადებით მიმართა, - ამის შესახებ BBC იუწყება.

მედია საშუალების ინფორმაციით, გადაწყვეტილება 2018 წლის 31 დეკემბერს შევა ძალაში.

"ეს იყო რთული გადაწყვეტილება და ის ამერიკის შეშფოთებას ასახავს, რომელიც UNESCO-ში არსებულ ვალებს, ფუნდამენტური რეფორმების საჭიროებებს და ისრაელის წინააღმდეგ არსებულ პოზიციებს უკავშირდება", - ნათქვამია სახელმწიფო დეპარტამენტის განცხადებაში.

აღნიშნულს UNESCO-ს ხელმძღვანელობა უკვე გამოეხმაურა და აღნიშნა, რომ "აშშ-ის ორგანიზაციის დატოვების გადაწყვეტილება სამწუხაროა".

ცნობისთვის, 8 ივლისს ისრაელში მდინარე იორდანეს დასავლეთ სანაპიროზე მდებარე ჰებრონის ძველი ქალაქი და პატრიარქთა სამარხები UNESCO-მ კულტურული მემკვიდრეობის ნუსხაში პალესტინური ძეგლის სტატუსით შეიყვანა. ამ ფაქტს ისრაელის მთავრობის მხრიდან მწვავე შეფასება მოჰყვა.

ავტორი: ,

სოციალური ქსელები

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა

ტრამპი ზელენსკის ტელეფონით ესაუბრა

ხამენეის დაკრძალვის ლოცვაში მილიონობით მონაწილე სკანდირებს და მისი სიკვდილისთვის შურისძიებას ითხოვს

ლონდონში ლგბტ პირთა აღლუმში ათიათასობით ადამიანმა მიიღო მონაწილეობა