ნიუ-იორკში, 88 წლის ასაკში ლგბტ აქტივისტი ედიტ უინდზორი გარდაიცვალა, - ამის შესახებ The Guardian იუწყება.

მედია საშუალების ინფორმაციით, უინდზორმა 2010 წელს ამერიკის შეერთებული შტატების კანონმდებლობასთან ბრძოლა დაიწყო იმისთვის, რომ ოჯახების დაცვის შესახებ კანონში ერთსქესიანი წყვილებიც ჩაემატებინათ.

გამოცემა წერს, რომ ედიტ ვინდზორის ბრძოლამ აშშ-ში მცხოვრები ყველა ჰომოსექსუალის ცხოვრება შეცვალა.

ედიტ უინძორმა და მისმა პარტნიორმა, ფსიქოლოგმა ტაია სპაიერმა, ორმოცწლიანი თანაცხოვრების შემდეგ,  2007 წელს კანადაში იქორწინეს. სწორედ ამ წელს დაუდგინდა სპაიერს გაფანტული სკლეროზი, ხოლო 2009-ში ის გარდაიცვალა. სპაისერმა ქონება ედიტ უინდზორს დაუტოვა, თუმცა მასზე არ გავრცელდა კანონმდებლობით მინიჭებული უფლებები, ისე როგორც სხვა ქვრივებზე. ამასთან, მას 300 ათას დოლარზე მეტი გადასახადი დაუწესეს.

უინდზორის სასამართლო პროცესი 2010 წლის 9 სექტემბერს დაიწყო, რომელიც მან 83 წლის ასაკში მოიგო.  2016 წელს მან მეორედ იქორწინა. მოგებული სასამართლოს მეშვეობით უინდზორის ქონება მის მეორე მეუღლეს ჯუდიტ კასენ უინდზორს დარჩა.

მის გარდაცვალებას ქვეყნის ყოფილი პრეზიდენტი ბარაკ ობამაც გამოეხმაურა.

“მთელი დღე ვფიქრობდი მილიონობით უცნობ გმირზე, რომელთა საქციელი დაეხმარა ქვეყანას გაეგო, რომ სიყვარული არის სიყვარული და საბოლოოდ ჩვენ უფრო თავისუფლები გაგვხადა“, - აღნიშნა ყოფილმა პრეზიდენტმა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს