საჯარო რეესტრის ეროვნული სააგენტოს თავმჯდომარე პაპუნა უგრეხელიძე დღეს საქართველოში სტუმრად მყოფ ჰარვარდის ბიზნესის სკოლის წარმომადგენლებს მიტჩელ ვაისს და  ელენა კორსის შეხვდა.

შეხვედრაზე საჯარო რეესტრის ეროვნული სააგენტოს თავმჯდომარემ  ჰარვარდის ბიზნესის სკოლის წარმომადგენლებს  სარეგისტრაციო წარმოებაში ბლოკჩეინის ტექნოლოგიის დანერგვის დეტალები და მიღწეული შედეგები გააცნო.

საქართველო მსოფლიოში ერთ-ერთი პირველი ქვეყანაა, რომელმაც ბლოკჩეინის ტექნოლოგიური მიღწევა უძრავი ქონების რეგისტრაციაში წარმატებით გამოიყენა. სწორედ ამან განაპირობა წამყვანი  ბიზნესის სკოლის დაინტერესება. 

ბლოკჩეინში ინტეგრირებით უძრავ ქონებასთან დაკავშირებული სარეგისტრაციო ტრანზაქციები მეტად დაცული, მსოფლიო მასშტაბით ხელმისაწვდომი და გამჭვირვალე გახდა.

ჰარვარდის ბიზნესის სკოლის წარმომადგენლები საქართველოში უძრავი ქონების სარეგისტრაციო ტრანზაქციებში ბლოკჩეინის ტექნოლოგიის დანერგვის პროექტის შესახებ დოკუმენტს ამზადებენ, რომელშიც პროექტის დანერგვის  ისტორია, ძლიერი მხარეებისა და რისკების შეფასებები, განხორციელების ვადები და სხვა მნიშვნელოვანი საკითხები იქნება განხილული. 

ჰარვარდის ბიზნესის სკოლა საქართველოში მიმდინარე ბლოკჩეინის პროექტთან დაკავშირებით მომზადებულ სიტუაციურ ანალიზს (case study) სასწავლო პროგრამებში გამოიყენებს. 

საქართველოს მაგალითი ბიზნესის სკოლის სხვადასხვა ღონისძიებებშიც იქნება განხილული.

ჰარვარდის ბიზნესის სკოლის სასწავლო პროგრამებში საქართველოს წარმატებული მაგალითის შეტანა საერთაშორისო აკადემიური და ბიზნესწრეების დაინტერესებას,  საერთაშორისო იმიჯის გაუმჯობესებას და ქვეყნის პოპულარიზაციას შეუწყობს ხელს.

(NS) 

ავტორი: ,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს