ავღანეთში ნატო-ს სამხედრო კოლონაზე მორიგი თავდასხმა განხორციელდა

2017-09-11 08:04:59, 2560 ნახვა

მსოფლიო

ავღანეთში ნატო-ს სამხედრო მისიის კოლონაზე მორიგი თავდასხმა განხორციელდა, - ამის შესახებ Reuters იუწყება.

მედია საშუალების ინფორმაციით, ტერორისტმა თავდასხმა ქაბულის სიახლოვეს მდებარე ბაგრამის ავიაბაზასთან განახორციელა. მან თავი აიფეთქა.

მედიის ცნობით, თავდასხმის შედეგად 3 ადამიანი დაშავდა. ამასთან, ჯერჯერობით უცნობია არიან თუ არა დაშავებულები ან/და დაღუპულები სამხედროებს შორის.

როგორც „მტკიცე მხარდაჭერის“ მისიის ცენტრალურ სარდლობაში აცხადებენ, აფეთქების შესახებ დეტალური ინფორმაცია მოგვიანებით გახდება ცნობილი.

ოლქის გუბერნატორის აბდულ შუკორ ქოდოსის თქმით, აფეთქების შედეგად ერთი ავტომობილი დაზიანდა.

გარდა ამისა, სააგენტოს "თალიბანის" მიერ გავრცელებული განცხადებაც მოჰყავს, სადაც ნათქვამია, რომ აფეთქების შედეგად 13 ამერიკელი სამხედრო დაიღუპა, 11 დაიჭრა და 3 ავტომობილი განადგურდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები