უკრაინის სასაზღვრო სამსახური „კრაკოვეცის“ გამშვებ პუნქტზე სააკაშვილის მისვლასთან დაკავშირებით, მგზავრებს აფრთხილებს

2017-09-08 04:40:15, 2472 ნახვა

მსოფლიო

10 სექტემბერს პოლონეთი-უკრაინის საზღვარზე „კრაკოვეცის“ გამშვებ პუნქტზე საქართველოს ყოფილი პრეზიდენტის მიხეილ სააკაშვილის მისვლასთან დაკავშირებით, უკრაინის სახელმწიფო სასაზღვრო სამსახური Facebook-ის ოფიციალურ გვერდზე განცხადებას ავრცელებს.

სასაზღვრო სამსახური მგზავრებს მიმართავს:

"იმ მგზავრების საყურადღებოთ, ვინც პოლონეთიდან საზღვრის გადმოკვეთას აპირებთ:

პოლიტიკური პარტია და დეპუტატები 10 სექტემბერს "კრაკოვეცის" გამშვებ პუნქტთან შეკრებას და აქციის მოწყობას აპირებენ. შესაბამისად უკრაინის სახელმწიფო სასაზღვრო სამსახური აქციის მონაწილეებს მოუწოდებს გამშვებ პუნქტზე დაწესებული განსაკუთრებული წესები დაიცვან. მასობრივი შეკრებების შესაძლო ჩატარებასთან დაკავშირებით 9-12 სექტემბრის პერიოდის განმავლობაში უკრაინის სახელმწიფო სასაზღვრო სამსახური გირჩევთ მარშრუტის სხვა გზები აირჩიოთ, რათა თავიდან აიცილოთ დისკომფორტი", - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები