ქარიშხალ „ირმას“ შედეგად სულ მცირე 10 ადამიანი დაიღუპა (ვიდეო)

2017-09-07 07:30:46, 2723 ნახვა

მსოფლიო

ქარიშხალ „ირმას“ შედეგად სულ მცირე 10 ადამიანი დაიღუპა, - ამის შესახებ BBC იუწყება.

მედია საშუალების ინფორმაციით, ქარიშხალს მსხვერპლი კარიბის ზღვის აუზის საფრანგეთის ტერიტორიებზე მოჰყვა.

როგორც მედია წერს, კარიბის ზღვის კუნძულებზე ქარიშხლის გამო ინფრასტრუქტურა მთლიანად დაზიანდა, მოსახლეობის უმეტესობა ელექტროენერგიის გარეშეა დარჩენილი.

ადგილობრივი ხელისუფლების თქმით, „ირმასგან“ მიყენებული ზარალი ასობით მილიონ დოლარს აღწევს.

ამ ეტაპისთვის, ქარიშხალი პუერტო-რიკოს უახლოვდება. სპეციალისტების განცხადებით, დროთა განმავლობაში, სტიქია უფრო გაძლიერდება. აშშ-ის პრეზიდენტმა დონალდ ტრამპმა ფლორიდის შტატში, პუერტო-რიკოსა და ვირჯინიის კუნძულებზე საგანგებო მდგომარეობა გამოაცხადა.

სინოპტიკოსები აღნიშნავენ, რომ ქარიშხალი „ირმა“ ბოლო ათწლეულების ყველაზე საშიში სტიქიაა, რომელიც ატლანტიკის კუნძულებს დაატყდა თავს. ის „ჰარვიზე“ ძლიერია.