საქართველოს შეიარაღებული ძალების სახმელეთო ჯარების აღმოსავლეთ სარდლობის პირველი ქვეითი ბრიგადის სამხედრო მოსამსახურეებმა ბორჯომის ხეობაში ხანძრის რამდენიმე კერა აღმოფხვრეს. სამხედრო მოსამსახურეებთან ერთად ხანძრის სალიკვიდაციო სამუშაოებში საქართველოს თავდაცვის მინისტრი ლევან იზორია და შეიარაღებული ძალების გენერალური შტაბის უფროსი, გენერალ-მაიორი ვლდიმერ ჩაჩიბაია უშუალოდ მონაწილეობდნენ.

"გეგმის მიხედვით სამხედრო მოსამსახურეები მეორე და მეცხრე სექტორზე გადანაწილდნენ. ჯარისკაცებმა გარკვეულ უბნებზე ხანძრის ლიკვიდაცია მოახდინეს, რითიც ხანძრის გავრცელების რისკი თავიდან იქნა აცილებული. ხანძარსაწინააღმდეგო სამუშაოებში ჯარისკაცები საქართველოს შსს-ს საგანგებო სიტუაციების მართვის სააგენტოს წარმომადგენლებთან ერთად მონაწილეობდნენ.

თავდაცვის მინისტრის ბრძანებით, ლიკვიდირებულ ხანძრის კერებზე სამხედროთა გარკვეული რაოდენობა დარჩება, სადაც ჯარისკაცები პატრულირებას განახორციელებენ ცეცხლის კერების აღმოცენების პრევენციის მიზნით.

ამ მომენტისთვის საქართველოს შეიარაღებული ძალების წარმომადგენლები ხანძრის კერების დამუშავების პროცესში კვლავ აქტიურად მონაწილეობენ. ჯარისკაცები ხანძრის კერების დამუშავებას განაგრძობენ და ადგილზე რჩებიან. ბორჯომის ხეობაში ხანძრის სალიკვიდაციო სამუშაოებში შეიარაღებული ძალები საქართველოს პრემიერ მინისტრის გადაწყვეტილებით დღეს დილიდან ჩაერთვნენ",-აცხადებენ თავდაცვის სამინისტროში.

ავტორი: ,

სოციალური ქსელები

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს

სასამართლომ გრიგოლ ლილუაშვილის ნათესავს, ანდრია ლილუაშვილს 12 წლით პატიმრობა მიუსაჯა

ნეტა ჩემი შვილი მომკვდარიყო და ის ბავშვი ყოფილიყო ცოცხალი - დაკავებული ნიკა კაპანაძის დედა