დუშეთის რაიონში, სოფელ თვალივში ხანძრის სალიკვიდაციო სამუშაოებში ქართული  ვერტმფრენია ჩართული. გავრცელებული ინფორმაცია „ექსპრესნიუსს“ დუშეთის რაიონის გამგებელმა ვაჟა ჩოხელმა დაუდასტურა. მისივე თქმით,  ცეცხლის სალიკვიდაციო სამუშაოებში ასევე მონაწილეობს ცოცხალი ძალა. ვაჟა ჩოხელი ვარაუდობს, რომ ცეცხლის ლიკვიდირება დღის ბოლომდე მოხდება.

„მუშაობს ვერტმფრენი, ადგილზეა სახანძრო სამაშველო სამსახური, სატყეო სამსახური. მთლიანად მობილიზებულია ყველა. ერთი ვერტმფრენი მუშაობს. ალბათ დღის ბოლომდე მოხდება ლიკვიდაცია“,-განაცხადა ვაჟა ჩოხელმა.

გამგებლის განმარტებით, თვალივში ხანძარი ფაქტობრივად ლიკვიდირებული იყო, თუმცა  ქარი ამოვარდა და ცეცხლი გააღვივა.

ვაჟა ჩოხელის ინფორმაციით, ხანძრის   არეალი არ გაზრდილა და არც მოსახლეობას ემუქრება საფრთხე.

 „არც გავრცელების საშიშროება არაა. მოსახლეობას საფრთხე არ ემუქრება. დაახლოებით 2 ჰექტარ ტერიტორიაზეა  გავრცელებული ხანძარი. ახლა ლოკალიზაცია მიმდინარეობს.  ვერტმფრენი ძალიან დაგვეხმარა“,-აღნიშნა დუშეთის რაიონის გამგებელმა.

ავტორი: ,

სოციალური ქსელები

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს

სასამართლომ გრიგოლ ლილუაშვილის ნათესავს, ანდრია ლილუაშვილს 12 წლით პატიმრობა მიუსაჯა

ნეტა ჩემი შვილი მომკვდარიყო და ის ბავშვი ყოფილიყო ცოცხალი - დაკავებული ნიკა კაპანაძის დედა