„დღეს, როცა რუსეთის პრეზიდენტი ჩადის ოკუპირებულ აფხაზეთში, ეს არის ფუჭი და უშედეგო მცდელობა, რაიმენაირად მოხდეს ლეგიტიმაცია ისტორიული უსამართლობის“,-ამის შესახებ საქართველოს პრეზიდენტმა გიორგი მარგველაშვილმა მუხათგვერდის ძმათა სასაფლაოზე განაცხადა, სადაც 2008 წელს, აგვისტოს ომში დაღუპული ქართველი სამხედრო მოსამსახურეების ხსოვნას პატივი მიაგო და მათი საფლავები გვირგვინით შეამკო.

მარგველაშვილის თქმით, ვლადიმერ პუტინის მიზანია, რაიმენაირად გამართლდეს საქართველოს ტერიტორიის ოკუპაცია და შემდეგ  ერთიანი სახელმწიფოს დაშლის გადაწყვეტილება: 

„ამ მცდელობის პასუხად მე მინდა ვთქვა, რომ არასოდეს არც ერთი ქართველი არ ცნობს არანაირ ხელოვნურ მავთულხლართებს, თხრილებს, მოგონილი საზღვრები არ გაყოფს მთლიანობას და ურყეობას ჩვენი ქვეყნის. ჩვენ არაერთხელ გაგვივლია ეს გზა, საქართველო ყოველთვის  გამოსულა გამარჯვებული. ჩვენი სახელმწიფოებრიობა უძლიერეს იმპერიებს ვერ შეურყევია, არანაირი ახალი რეალობა, ან ახალი გამართლება  ამ ჭეშმარიტებას არ შეცვლის. 2008 წელს კიარა 1921 წელს მთლიანი საქართველო გადაუფორმეს ქართველმა ბოლშევიკებმა საბჭოთა კავშირს და ორჯონიკიძეები ამა ქვეყნისა  ზეიმობდნენ თბილისზე წითელი დროშის აღმართვას, მაგრამ  მათ ვერ გატეხეს ქართველი ხალხი. ჩვენ მაინც მივაღწიეთ ბოლოს დამოუკიდებლობას. მინდა, ვუთხრა ჩვენს საზოგადოებას და ჩვენს დევნილ მოსახლეობას, ჩვენი  ტერიტორიული მთლიანობის დაბრუნება არის ჩვენს სიმტკიცეში და ურყეობაში. არაფრის დიდებით არ შეიძლება აყოლა რაიმე იდეაზე, თითქოს საქართველო რაიმე ფორმით გაყოფილი, ან დაქუცმაცებულია. საქართველო არის მთლიანი და ურყევი. ეს იქნება ასე და ამით ჩვენ მივაღწევთ ჩვენი ტერიტორიების დაბრუნებას“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა