ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა : 32% თავისუფალი და სამართლიანი არჩევნებისთვის უმთავრეს დაბრკოლებად ამომრჩეველთა მოსყიდვას ასახელებს.

18%-ამომრჩეველთა შევიწროვებას, 14%-ბიუჯეტიდან არჩევნებზე  უსამართლოდ ფულის ხარჯვას, ასევე 14% ამომრჩეველთა სიებთან დაკავშირებულ  პრობლემებს, 12%-საარჩევნო ყუთებში  ზედმეტი  ბიულეტენების ჩაყრას.

ამასთან, გამოკითხულთა  დიდი ნაწილი ფიქრობს, რომ ცენტრალური საარჩევნო კომისია საარჩვენო პროცესს მომავალ ადგილობრივი თვითმმართველობის  არჩევნებზე  კარგად წარმართავს. კერძოდ, 29% ამბობს, რომ კარგად წარმართავს, 47%-საშუალოდ, მხოლოდ 9%-ს მიაჩნია, რომ ცესკო ადგილობრივი თვითმმართველობის არჩევნებს  ცუდად ჩაატარებს.

NDI-მ და CRRC–საქართველომ დღეს მედიას   საზოგადოებრივი აზრის კვლევის შედეგების მეორე ნაწილი წარუდგინეს.

კვლევის საველე სამუშაოები ჩატარდა 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,261 პირისპირ ინტერვიუს წარმომადგენლობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი: რატომ გახდა ეს ქვეყანა ტრაგედიის, სიკვდილის, უსამართლობის, სიძულვილისა და სისასტიკის ქვეყანა?

კლინიკის ინფორმაციით, ბათუმში, გუშინ დაჭრილი მამაკაცის ჯანმრთელობის მდგომარეობა მძიმეა და ის მართვით სუნთქვაზე იმყოფება

სააკაშვილი: ვახო სანაიას დაპატიმრება საზოგადოების დაშინებისა და მედიის წინააღმდეგ დიდი გეგმის ნაწილია

საია: ოქრიაშვილზე თავდასხმა სახელმწიფოს მიერ შექმნილი ძალადობრივი გარემოს შედეგია