„ევროპული საქართველო“ დღეს აღმაშენებლის გამზირზე აქცია-მსვლელობას „არა რუსულ ფაშიზმს“ გამართავს

2017-07-23 10:25:43, 2541 ნახვა

საზოგადოება

დღეს საპარლამენტო უმცირესობა „ევროპული საქართველო“ აღმაშენებლის გამზირზე, რკინიგზელთა სასახლესთან აქცია მსვლელობას „არა რუსულ ფაშიზმს“ გამართავს.

როგორც პარტიის თბილისის მერობის კანდიდატი, ელენე ხოშტარია აცხადებს, აქციის მიზანია, ყველამ დაინახოს, რომ საქართველო სიძულვილის და ძალადობის ქვეყანა არ არის.

„აქციის მთელი არსი არის არა იმ პატარა მარგინალურ ჯგუფთან ჯიბრი, არამედ ჩვენება ყველასთვის, რომ საქართველო არ არის სიძულვილის და ძალადობის ქვეყანა. ჩვენება ხელისუფლებისთვის, რომ ჩვენ არ დავუშვებთ ქვეყანაში ასეთი ძალადობრივი გზით ადამიანების ურთიერთობას“, -განაცხადა ელენე ხოშტარიამ.

აქციის მონაწილეები აღმაშენებლის და თამარ მეფის ქუჩების კვეთაზე შეიკრიბებიან. მსვლელობა 20:00 საათზე დაიწყება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან