მებაჟე ოფიცრებმა საბაჟო გამშვები პუნქტების „ვალეს“ და „წითელი ხიდის“ ტერიტორიაზე, ნარკოტიკული ნივთიერებების შემცველი მედიკამენტების შემოტანის მცდელობა აღკვეთეს.

შემოსავლების სამსახურის ინფორმაციით, საბაჟო გამშვები პუნქტის „ვალეს“ ტერიტორიაზე თურქეთის  მხრიდან შემოვიდა თურქეთის  მოქალაქე ი.ბ., რომლის კუთვნილი ავტომანქანის დათვალიერებისას მებაჟე ოფიცრებმა  ნარკოტიკული ნივთიერების, კოდეინის, შემცველი მედიკამენტი APRAMAX PLUS  (10  აბი) აღმოაჩინეს.

საქმე შემდგომი რეაგირების მიზნით გადაეცა შსს სამცხე-ჯავახეთის საპატრულო პოლიციის მთავარი სამმართველოს საგამოძიებო განყოფილებას.

შემოსავლების სამსახურის ცნობით, ასევე ნარკოტიკული ნივთიერების შემცველი მედიკამენტი აღმოჩნდა სგპ „წითელი ხიდის“ ტერიტორიაზე,  საქართველოს მოქალაქე ს. ბ.-ის ხელბარგში. ეჭვის საფუძველზე, დათვალერების შედეგად, მის ხელჩანთაში შემოსავლების სამსახურის თანამშრომლებმა 10 აბი მედიკამენტი „პენტალგინი“ აღმოაჩინეს. აღნიშნული მედიკამენტი შეიცავს ნარკოტიკულ ნივთიერება კოდეინს და ფსიქოტროპულ ნივთიერება ფენობერბიტალს.

საქმე შემდგომი რეაგირების მიზნით გადაეცა ქვემო ქართლის საპტრულო პოლიციის საგამოძიებო სამსახურს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს