საერთაშორისო საკრედიტო სააგენტომ Fitch Ratings-მა საქართველოს სუვერენული რეიტინგის პერსპექტივა პოზიტიურიდან სტაბილურობამდე შეცვალა და საქართველოს გრძელვადიანი საკრედიტო რეიტინგი უცხოურ და ეროვნულ ვალუტებში BB-ის დონეზე დაადასტურა. 

საკითხის კომენტირებისას ფინანსთა მინისტრის მოადგილე ლაშა ხუციშვილმა განაცხადა, რომ რეიტინგის პერსპექტივის ცვლილება გარე შოკებს უკავშირდება.
"Fitch-მა რეიტინგი არ შეგვიცვალა. შეგვიცვალა მხოლოდ პერსპექტივა და მის ანგარიშში ცალსახად არის ის მიზეზები, რის გამოც ეს მოხდა. ეს არის გარე შოკები. საუბარია რუსეთის ფაქტორზე, ჩვენი მეზობლების ეკონომიკის შემცირებაზე და ასევე ნავთობის ფასის შემცირებაზე", - განაცხადა ლაშა ხუციშვილმა. 
"პროგნოზის "სტაბილურობამდე" დაწევა განპირობებულია იმით, რომ საქართველომ რამდენიმე საგარეო შოკი გადაიტანა, რომელიც რუსეთის ეკონომიკის ვარდნას უკავშირდება, რაც თავის მხრივ ნავთობზე ფასის ვარდნითა და სანქციებით არის გამოწვეული. ყოველივე ამან დსთ-ს ქვეყნებში და სავაჭრო პარტნიორებში ეროვნული ვალუტების დევალვაცია გამოიწვია", - ნათქვამია სააგენტოს განცხადებაში. 
Fitch-ის შეფასებით, შექმნილი ვითარება ნეგატიურად აისახა საქართველოს საგარეო ვაჭრობასა და ფულად გადარიცხვებზე - მკვეთრად დაეცა ექსპორტი, ფულადი გადარიცხვები კი თითქმის 25%-ით შემცირდა. 
საერთაშორისო სარეიტინგო სააგენტო ასევე აღნიშნავს, რომ 2014 წლის ნოემბრიდან მოყოლებული, ქართული ლარის კურსი დოლართან მიმართებაში დაახლოებით 30%-ით დაეცა.
სააგენტოს ანალიტიკოსები ასევე მიიჩნევენ, რომ საქართველოსთვის მთავარ სისუსტედ რჩება საგარეო სექტორი. Fitch-ი პროგნოზირებს, რომ 2015 წელს საქართველოში ექსპორტი 20%-ით შემცირდება. მიუხედავად იმპორტის მოცულობის შემცირებისა, სააგენტო აღნიშნავს, რომ 14%-მდე გაიზრდება მიმდინარე ანგარიშების დეფიციტი მშპ-სთან მიმართებაში. 2014 წელს ეს მაჩვენებელი 9% იყო, 
Fitch-ი საგარეო ვალის მშპ-ს 80 პროცენტამდე გაზრდასაც პროგნოზირებს, 2014 წლის 58 პროცენტის ნაცვლად.
ამასთან ერთად, Fitch-ი აღნიშნავს, რომ ევროკავშირის ბაზრებზე ხელმისაწვდომობამ ხელი უნდა შეუწყოს საქართველოს მიმზიდველობის გაზრდას ინვესტორებისთვის. სააგენტო ასევე აღნიშნავს, რომ ძირითადი ფაქტორები, რომელმაც შესაძლოა გამოიწვიოს საქართველოს რეიტინგების შემცირება, სავალუტო რეზერვებსა და სავალუტო კურსზე ზეწოლა, ასევე საგარეო და რეგიონალური პოლიტიკური კლიმატის გაუარესებაა. 
"ძირითადი ფაქტორები კი, რომელსაც შეუძლიათ ქვეყნის რეიტინგის ზრდა გამოიწვიოს - მშპ-ს ზრდის აღდგენა, საგარეო ვალის სტაბილიზაცია და დოლარიზაციის კოეფიციენტის შემცირებაა", - ნათქვამია საერთაშორისო სარეიტინგო სააგენტოს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს