თბილისის საქალაქო სასამართლოში, ე.წ. ციანიდის საქმეზე პროკურატურის მთავარი მოწმის, ირაკლი მამალაძის დაკითხვა მიმდინარეობს.

მას ჯერ ბრალდების მხარე კითხავს, მოგვიანებით კი, სასამართლო ჯვარედინ დაკითხვაზე გადავა, რა დროსაც, დაცვის მხარეს მიეცემა საშუალება ირაკლი მამალაძეს კითხვები დაუსვას.

როგორც ჟურნალისტებს ადვოკატმა ეკა ლომიძემ განუცხადა, ირაკლი მამალაძისთვის კითხვების დასმის თავად ბრალდებული, დეკანოზი გიორგი მამალაძეც შეძლებს.

ამასთან, ლომიძის თქმით, დაცვის მხარისთვის ცნობილი არ იყო, რომ დღეს ირაკლი მამალაძე დაიკითხებოდა

„მოგეხსენებათ, ირაკლი მამალაძე არის პროკურატურის მთავარი მოწმე ამ საქმეში, ამიტომ ძალიან მნიშვნელოვანია ჩვენთვის მისი დაკითხვა. ჩვენთვის ცნობილი არ იყო რომ ეს ადამიანი დღეს დაიკითხებოდა. მიუხედავად ამისა, ჩვენ მზად ვართ ნებისმიერი სიურპრიზისთვის, მივიღებთ ჯვარედინ დაკითხვაში მონაწილეობას. არის მცდელობა პროკურატურის მხრიდან, მიმანიშნებელი კითხვები დასვან და ის ინფორმაცია მიიღონ ირაკლი მამალაძისგან, რაც მისთვის ხელსაყრელია. თუმცა, ჩვენ ადვოკატები იმიტომ ვართ, რომ ასეთი კითხვები მოვხსნათ“, - აღნიშნა „ადამიანის უფლებათა ცენტრის“ ადვოკატმა, რომელიც ე.წ. ციანიდის საქმეშია ჩართული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”