საქართველოს პრემიერ-მინისტრი ირაკლი ღარიბაშვილი მთავრობის დღევანდელ სხდომაზე ახალი ხელისუფლების პირობებში საწარმოების დაფინანსების საკითხით დაინტერესდა.

მან სოფლის მეურნეობის მინისტრ ოთარ დანელიას ჰკითხა, თუ რამდენი საწარმო დაფინანსდა  ახალი მთავრობის დროს. ითარ დანელიას თქმით, ჯამში 119 საწარმოა დაფინანსებული, რომლებსაც მედიის წარმომადგენლები მედია-ტურის მეშვეობით ეცნობიან.

"დაფინანსებულია უკვე 119 საწარმო.ასევე ჩვენ ესთეტიკური შესახედაობის გამო, 10-ზე მეტი ამოვიღეთ ნუსხიდან, ვინაიდან მოვთხოვეთ ცოტა უფრო მაღალი სტანდარტების დაცვა, ვინაიდან ჩვენ უფრო სხვა ეტაპზე უნდა გადავიყვანოთ ბიზნესი.შესაბამისად, ლოტოტრონის პრინციპით მოხდა შერჩევა და მედიის წარმოამდგენლებმა თავად შეარჩიეს ის საწარმოები და კახეთში  უკვე რამდენიმე მათგანი მოვინახულეთ. დღეს გრძელდება მედიატური და მთავრობის სხდომის შემდეგ მე ვუბრუნდები მედიატურს და გავაგრძელებთ ამ საწარმოების დათვალიერებას. ჯერჯერობით მე ვფიქრობ, რომ ძალიან პოზიტიურია განწყობა, დიდია ინტერესი და და მინდა დიდი მადლობა გადავუხადო მედიის წარმომადგენლებს ასეთი ჩართულობისთვის. ჩვენ ამ ტრადიციას სხვა რეგიონებშიც გავაგრძელებთ და მათთან ერთად შევარჩევთ შემდეგ რეგიონს და შესაბამის თარიღს,-განაცხადა ოთარ დანელიამ.

ირაკლი ღარიბაშვილმა მედიის წარმომადგენლებისთვის საწარმოების დათვალიერების ინიციატივა მოიწონა და იმედი გამოთქვა, რომ მათ აღარ გაუჩნდებათ კითხვები დაპირებულ საწარმოებთან დაკავშირებით.

"ვფიქრობ,  ძალიან კარგი ინიციატივაა, კარგია, რომ საზოგადოებას ვაჩვენოთ თითოეული საწარმო, რომელიც დაფინანსდა ჩვენი მთავრობის დროს, ვფიქრობ მედიას და  ჩვენს ოპოზიციას კითხვები აღარ ექნება,  თუ სად არის დაპირებული საწარმოები",-აღნიშნა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს