საპარლამენტო უმრავლესობის წევრმა ზაზა პაპუაშვილმა „ნაციონალური მოძრაობის“ ამჟამინდელი და ყოფილი წევრები პარლამენტის პლენარულ სესიაზე მწვავედ გააკრიტიკა.

კერძოდ, ოპოზიციის წარმომადგენლებმა „საზოგადოებრივ მაუწყებელში“ მიმდინარე მოვლენებზე საუბრისას  აღნიშნულ ტელევიზიას ერთპარტიული უწოდეს, ასევე გააპროტესტეს რადიო თავისუფლების პროექტების - სალომე ასათიანის „ინტერვიუ“, გოგი გვახარიას „წითელი ზონა“,  დახურვის გადაწყვეტილება. ზაზა პაპუაშვილის თქმით, „ნაციონალური მოძრაობის“ წევრებს მედიის დამოუკიდებლობის საკითხზე საუბრის უფლება არ აქვთ:

„ნამეტანი გაჯეჯილდნენ უკვე, ხალხი გვიყურებს და ამ უმსგავსობის ყურება უკვე აღარ შეიძლება. ხომ არის გამოთქმა, კაცი სახლში შესაშვები არ არისო, ესენი არც სახლში შესაშვებები არიან, არც ქვეყანაში გასაჩერებლები, უნდა გაიყვანო ესენი, ლეიბებს რომ ბერტყავენ, ამ საბერტყით უნდა ურახუნო და ურახუნო ერთ ადგილზე, რომ ცოტა გამოებერტყოთ ტვინი ამ მტვრიდან. რა ფასეულობები თქვენ გაქვთ, უზრდელები ხართ, ელემენტარული  არც რიდი იცით, არც ატმოსფეროს შეგრძნება იცით, არაფერი, ხართ ერთი უდღეური „ნაციონალური მოძრაობის“ წევრები. თქვენ ფაშისტებზე ლაპარაკის უფლებაც კი არ გაქვთ. თქვენი ნაგავი თაობებს აქვთ გასატანი, თქვენ არ იცით, რამხელა ტრავმა მიაყენეთ მომავალ თაობას, მათ ტვინებში რა ჩასახეთ. თქვენი ნაგავი ტელევიზიების დირექტორები ჩამოთვალეთ ერთი, მოდელირებულმა ქრონიკამ შეიწირა კინაღამ ადამიანები, ამის შემდეგ როგორ ლაპარაკობთ?! ან არქიტექტურაში რა გააკეთეთ? ვის უნდა თქვენი აშენებული იდიოტიზმი? ღლამი და ტორტის ნაჭრებივით რომ ჩადეთ რაღაც შენობები და ამაყობთ. მე ვარ იმ ადამიანთა რიგში, რომ თქვენ აქ ასეთი ტონით კი არ უნა გელაპარაკოთ, გასასამართლებელი ხართ და ციხეში ხართ ჩასაყრელები. ხართ ერთი ვიღაცა სათრიელას პარტიის წევრები, ჩვენ არანაირი სურვილი არ გვაქვს, ვინმეს ამ ტონალობაში ველაპარაკოთ, მაგრამ ეს წარმოუდგენელი რამეა “,-განაცხადა ზაზა პაპუაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა