„ის, რაც მოხდა არის ზეწოლა, ტერორი, დაშინება და არანაირი კავშირი არ აქვს ამ ადამიანების ნარკოტიკების მოხმარებასთან, თუ რაიმე კანონის დარღვევასთან’’ , - ამის შესახებ „ევროპული საქართველოს“ წევრმა ელენე ხოშტარია ჯგუფ ,,ბირჟა მაფიის’’ წევრების დაკავებასთან დაკავშირებით განაცხადა.

,,ეს არის პირდაპირ ვიღაცის დაკვეთით დაკავებული ადამიანების დაშინება იმიტომ, რომ ვიღაცას რაღაც არ მოეწონა. მსგავსი რამე პირველ რიგში დაუშვებელია და ეს ადამიანები უნდა გამოვიყვანოთ ჩვენ ციხიდან აუცილებლად. არავის ეგონოს, რომ ჩაცხრება ტალღა ან ვიღაცას გადაავიწყდება. ბოლომდე მივიყვანთ ამ საქმეს და გარანტიას ვაძლევ ყველას, რომ ეს ბიჭები გამოვლენ ციხიდან. აბსოლუტურად დაუშვებელია, რომ ხელისუფლებამ როდისმე გაიფიქროს, რომ განსხვავებული აზრის, გემოვნების, ან რაიმე საქციელის გამო რომელიმე მოქალაქეს მოექცევა ასე. ეს არ არის პოლიტიკური პროტესტი. მე ამ შემთხვევაში ვსაუბრობ არა როგორც პოლიტიკოსი. მე ვარ მოქალაქე, რომელიც არ დაუშვებს, რომ ამ ქვეყანაში დადგეს ასეთი უსამართლობის და ტერორის პერიოდი“, - განაცხადა ელენე ხოშტარიამ.

შეგახსენებთ, რომ საქართველოს შინაგან საქმეთა სამინისტროს წარმომადგენლებმა ქართული რეპ-ჯგუფის Birja Mafia-ს წევრები დააკავეს. დაკავების მიზეზად უწყებაში ჯგუფის წევრებისგან ნარკოტიკული საშუალება MDMA-ს ამოღებას ასახელებენ. ჯგუფ Birja Mafia-ს წევრს მიხეილ მგალობლიშვილს თბილისის საქალაქო სასამართლომ აღკვეთის ღონისძიების სახით პატიმრობა შეუფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა