ჟურნალისტები იან კელის შეხვდნენ - აშშ-ს საელჩო და სახელმწიფო დეპარტამენტი აფგან მუხთარლის საქმეს ყურადღებით აკვირდებიან

2017-06-06 12:40:55, 2182 ნახვა

საზოგადოება კომენტარი

ჟურნალისტების განცხადებით, რომლებიც ცოტა ხნის წინ ამერიკის შეერტებული შტატების ელჩს იან კელის შეხვდნენ, საელჩო და ამერიკის სახელმწიფო დეპარტამენტი აზერბაიჯანელი ჟურნალისტის აფგან მუხთარლის საქმის ვითარებას ყურადღებით აკვირდებიან.

როგორც ჟურნალისტები შეხვედრის დასრულების შემდეგ აცხადებენ, აშშ-ის ელჩისთვის მნიშვნელოვანია საქართველოში მცხოვრები ყველა ქვეყნის მოქალაქის უფლება.

ჟურნალისტების თქმით, ელჩი ინფორმირებულია, რომ მედია საშუალებების წარმომადგენლები ხელისუფლების წევრებთან შეხვედრას უკვე რამდენიმე დღეა ითხოვენ.

ცნობისთვის, ჟურნალისტებმა პარლამენტის ადამიანის უფლებათა კომიტეტის სხდომაზე აქცია გამართეს. მათ სიმბოლურად თავზე პოლიეთილენის პარკები ჩამოიცვეს. ისინი აზერბაიჯანელი კოლეგის გათავისუფლებას და საქართველოს პარლამენტის თავმჯდომარესთან შეხვედრას ითხოვდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან