სოფლის მეურნეობის სამინისტროს სამეცნიერო-კვლევითი ცენტრის ღვინის ლაბორატორიაში, გერმანიის საერთაშორისო თანამშრომლობის საზოგადოების (GIZ) პროგრამის „კერძო სექტორის განვითარება სამხრეთ კავკასიაში“ ფარგლებში, სტუდენტებმა სწავლება გაიარეს.

სოფლის მეურნეობის სამინისტროს ინფორმაციით, სემინარზე მონაწილეები ღვინის ლაბორატორიის ძირითად სერვისებს, ლაბორატორიული კვლევის მნიშვნელობას, დეგუსტაციის საფუძვლების თეორიულ და პრაქტიკულ ნაწილს გაეცნენ.

მათივე ინფორმაციით, აღნიშნული პროფესიული პროგრამა სამწლიანია და კოლეჯებსა და საწარმოებში ერთდროულად ხორციელდება.

მევენახეობა-მეღვინეობის პროფესიულ პროგრამაში მონაწილეობს ორი კოლეჯი - ,,აისი’’ და „ილია წინამძღვრიშვილის სახელობის საზოგადოებრივი კოლეჯი“, რომლებიც სწავლების თეორიულ ნაწილს უზრუნველყოფენ და რვა საწარმო - „ქინძმარაულის კორპორაცია“, „შატო მუხრანი“, „შუხმან ვაინს“, „შუმი“, „მარანული“, „შადრევანი“, „ქინძმარაულის მარანი“, „კახური ტრადიციული მეღვინეობა“, სადაც მონაწილეები პრაქტიკულ სწავლებას გადიან.

2015 წლიდან გერმანიის საერთაშორისო თანამშრომლობის საზოგადოება (GIZ) პროგრამით „კერძო სექტორის განვითარება სამხრეთ კავკასიაში“ საქართველოში მევენახეობა-მეღვინეობის დარგში დუალური განათლების დანერგვაზე მუშაობს.

პროგრამის პარტნიორი ბავარიის  მევენახეობისა და მებაღეობის სახელმწიფო ინსტიტუტია, რომელსაც დუალური განათლების დანერგვისა და განხორციელების  ხანგრძლივი გამოცდილება აქვს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს