ევროპულ და ევროატლანტიკურ სტრუქტურებში ინტეგრაციის საკითხებში სახელწმიფო  მინისტრი ვიქტორ დოლიძე თბილისში 26-29 მაისს დაგეგმილ ნატო-ს საპარლამენტო ასამბლეის სხდომას გამოეხმაურა. 

დოლიძის შეფასებით, ამ მასშტაბური ღონისძიების საქართველოში ჩატარება, არის ძალიან მნიშვნელოვანი გზავნილი ნატო-ს ყველა წევრისადმი და საქართველოსადმი, თუ რამდენად დიდია  ჩრდილოატლანტიკური ალიანსის ინტერესი ჩვენს ქვეყანასთან მიმართებაში.

მისივე განმარტებით, სამიტს მიენიჭება  ძალიან მაღალი პოლიტიკური მნიშვნელობა გამომდინარე იქიდან, რომ მასზე მიიღება საქართველოსთან დაკავშირებით სპეციალური დოკუმენტი, სადაც იქნება ძალიან დიდი მხარდაჭერა გამოთქმული როგორც ინტეგრაციული პროცესებისადმი, ასევე ტერიტორიული მთლიანობისა და  რეფორმების  მხარდაჭერისადმი. გარდა ამისა, სახელწმიფო მინისტრის განმარტებით, იქნება სპეციალური გზავნილი რუსეთის ფედერაციისადმი ისევე, როგორც ნატო-სადმი იმასთან დაკავშირებით, რომ საქართველოსთან მიმართებაში ნატო-ს გაფართოების ტალღა არ უნდა შეჩერდეს:

„როგორც მოგეხსენებათ, 26-29 მაისის ჩათვლით, საქართველოში, კერძოდ, თბილისში, პარლამენტის შენობაში, გაიმართება ნატო-ს საპარლამენტო ასამბლეის გასვლითი  სხდომა პარტნიორი ქვეყნის ტერიტორიაზე. ეს არის ძალიან მნიშვნელოვანი, მასშტაბური, მრავლისმომცველი  ღონისძიება და ამავე დროს, ჩემი აზრით,  არის  ძალიან მნიშვნელოვანი გზავნილი, როგორც საქართველოსადმი, ასევე ნატო-ს ყველა წევრისადმი, თუ რამდენად დიდია  ჩრდილოატლანტიკური ალიანსის ინტერესი საქართველოსთან მიმართებაში. ამასთან დაკავშირებით, მოგეხსენებათ, გუშინაც განაცხადა  ნატო-ს გენერალურმა მდივანმა და დღესაც აღინიშნა საქართველოსადმი ძალიან დიდი, მკაფიო და მკვეთრი ინტერესი, რასთან დაკავშირებითაც განცხადება ასევე გააკეთეს სხვა მაღალმა ოფიციალურმა პირებმა, მათ შორის ჩვენმა მეგობარმა ჯეიმს აპატურაიმ. ჩვენ, არა მხოლოდ გეოგრაფიულად და ტეხნიკურად ვატარებთ ამ სამიტს, არამედ მას მიენიჭება  ძალიან მაღალი პოლიტიკური მნიშვნელობა გამომდინარე იქიდან, რომ ჩვენ მივიღებთ საქართველოსთან დაკავშირებით სპეციალურ დოკუმენტს, განცხადებას, სადაც იქნება ძალიან დიდი მხარდაჭერა გამოთქმული როგორც ინტეგრაციული პროცესებისადმი, ასევე ჩვენი ქვეყნის ტერიტორიული მთლიანობისადმი, რეფორმების  მხარდაჭერისადმი. იქნება სპეციალური გზავნილი რუსეთის ფედერაციისადმი ისევე, როგორც ნატო-სადმი იმასთან დაკავშირებით, რომ საქართველოსთან მიმართებაში ნატო-ს გაფართოების ტალღა არ უნდა შეჩერდეს და საქართველო ნატო-ს წევრი უნდა გახდეს. ეს ძალიან მნიშვნელოვანია და კიდევ ერთხელ ხაზს ვუსვამ იმას, რომ გარდა გეოგრაფიული, სტრატეგიული  მნიშვნელობისა, მას ძალიან სერიოზული პოლიტიკური მნიშვნელობა მიენიჭება. იმედი მაქვს, ყველა დაგეგმილი ღონისძიება, მათ შორის, რა თქმა უდნა, პოლიტიკური განცხადება, მივა ბოლომდე და ნატო-ს საპარლამენტო ასამბლეას ამის მიღებასთან  დაკავშირებით რაიმე პრობლემა არ ექნება“,-განაცხადა ვიქტორ დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Big Tech. Global Legends. One Future - თიბისის მხარდაჭერით თბილისში Change Inspire 2026 გაიმართა

მოლდოვის პრემიერმინისტრი თანამდებობიდან გადადგა

გაორმაგების დღე City Mall-ში - 5 ივლისს PLUS ქულებით გადახდისას 50%-იანი ფასდაკლებით ისარგებლებთ

5 ივლისი გაორმაგების დღეა - შეიძინეთ სასურველი ნივთი PLUS ქულებით, დარჩენილი თანხა კი ნაწილ-ნაწილ გადაიხადეთ