საქართველოს ეროვნულმა ბანკმა მარტში საქართველოში შემოსული ფულადი გზავნილების მოცულობის შესახებ ინფორმაცია გამოაქვეყნა.

2014 წლის ანალოგიურ მაჩვენებელთან შედარებით, 2015 წლის მარტში საქართველოში ფულადი გზავნილების მოცულობა 23.5%-ით შემცირდა.

ეროვნული ბანკის ინფორმაციით, 2015 წლის მარტში ქვეყანაში შემოსული ფულადი გზავნილების ნაკადების მოცულობამ 92.2 მილიონი აშშ დოლარი, ანუ 202.0 მილიონი ლარი შეადგინა, რაც 28.4 მილიონი აშშ დოლარით (62.2 მილიონი ლარით), ანუ 23.5%-ით ნაკლებია 2014 წლის მარტის ანალოგიურ მაჩვენებელზე.

უცხოეთიდან საქართველოში ფულადი გზავნილების 91.6 % იმ 12 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ მარტში 1 მილიონ აშშ დოლარს გადააჭარბა. იმავე 12 ქვეყანაზე გასული წლის მარტში მთელი ფულადი გზავნილების 93.6% მოდიოდა.

საქართველოში 2015 წლის მარტში ყველაზე მეტი ფულადი გზავნილი შემდეგი ქვეყნებიდან შემოვიდა: რუსეთი (34.3 მილიონი აშშ დოლარი), საბერძნეთი (14.3 მილიონი აშშ დოლარი), იტალია (8.9 მილიონი აშშ დოლარი), აშშ (8.5 მილიონი აშშ დოლარი), თურქეთი (6.6 მილიონი აშშ დოლარი).

ამასთან, 2015 წლის მარტში საქართველოდან საზღვარგარეთ 15.4 მლნ აშშ დოლარი (33.7 მლნ ლარი) გადაიგზავნა, ნაცვლად 14.2 მლნ აშშ დოლარისა (24.6 მლნ ლარისა) გასული წლის მარტში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს