2017-05-15 16:08:32, 1720 ნახვა
საზოგადოება
ქვემო სამგორში კეთილმოწყობის სამუშაოები მიმდინარეობს
ქვემო სამგორის საუბნო ტერიტორიაზე საგზაო კეთილმოწყობის სამუშაოები მიმდინარეობს.
მერიის ინფორმაციით, ამ დროისთვის, 5 მისამართზე უკვე დასრულდა ასფალტის ახალი საფარის დაგება და ბორდიურების მოწყობა. 2 მისამართზე საგზაო სამუშაოები კვლავ მიმდინარეობს, რის შემდეგაც საგზაო ინფრასტრუქტურა კიდევ 2 მისამართზე მოეწყობა.
გარდა ამისა, ქვემო სამგორში, 13 მისამართზე წყალსადენის ქსელი მოეწყო; სანიაღვრე და საკანალიზაციო ქსელები 8 მისამართზე გამოიცვალა; რეაბილიტაცია ჩაუტარდა რამდენიმე საცხოვრებელი სახლის საყრდენ კედლებს; მოეწყო ორი სპორტული მოედანი და 6 სკვერი.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
