პრემიერი ტყიბულში დაღუპული მაღაროელების დაკრძალვას დაესწრება

2017-05-14 12:51:36, 1793 ნახვა

საზოგადოება

პრემიერ-მინისტრი გიორგი კვირიკაშვილი ტყიბულის მაღაროში დაღუპული მაღაროელების დაკრძალვას დაესწრება.

მაღაროელებს დღეს, 14:00 საათზე დაკრძალავენ.

ალეკო ჭელიშვილი, გიზო კუბლაშვილი, ბიქტორ დაღუნდარიძე და გიზო გუბელიძე სატვირთო ბადიაზე ტექნიკური სამუშაოების შესრულებისას დაიღუპნენ.შეგახსენებთ, რომ ტყიბულის მაღაროში უბედური შემთხვევა 9 მაისს მოხდა - ბაგირის გაწყვეტის შედეგად ოთხი მაღაროელი 400 მეტრის სიმაღლიდან გადავარდა.

სამაშველო ოპერაცია 14 საათის განმავლობაში მიმდინარეობდა.

დაღუპულებს ექსპერტიზა ქუთაისის ექსპერტიზის ბიუროში ჩაუტარდათ.

მომხდარ შემთხვევასთან დაკავშირებით, შსს-მ გამოძიება სსკ-ის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას ითვალისწინებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან