2017-05-08 12:34:21, 2569 ნახვა
სამართალი კომენტარი
შს მინისტრის მოადგილე: იური ლუჟკოვი საქართველოში ლეგალური საბუთებით შემოვიდა
შს მინისტრის მოადგილის, შალვა ხუციშვილის განცხადებით, მოსკოვის ყოფილი მერი იური ლუჟკოვი საქართველოში ლეგალურად შემოვიდა.
როგორც ხუციშვილმა ჟურნალისტებს განუცხადა, საზღვრის კვეთის მომენტში, პასპორტში რაიმე კონკრეტული მონაცემი არ არსებობდა, რის საფუძველზეც მესაზღვრე გადაწყვეტილებას მიიღებდა.
“შემოვიდა ლეგალური საბუთებით, რომელშიც არ იყო მონაცემი რომ მას ოკუპირებული ტერიტორიების შესახებ კანონი ჰქონდა დარღვეული. შესაბამისად, მესაზღვრეს არ ჰქონდა ფომალური საფუძველი, რომ სხვა გადაწყვეტილება მიეღო. დანარჩენი დამატებითი მოკვლევის საგანია და ჩვენ გავარკვევთ”, - განაცხადა შს მინისტრის მოადგილემ.
შეგახსენებთ, მოსკოვის ყოფილი მერი იური ლუჟკოვი, რომელმაც ოკუპაციის შესახებ კანონი არაერთხელ დაარღვია, საქართველოში იმყოფება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
