საგარეო საქმეთა მინისტრის მიხეილ ჯანელიძის განცხადებით, ამერიკის შეერთებულ შტატებთან სავაჭრო-საინვესტიციო ურთიერთობების გაღრმავება მთავრობის ერთ-ერთი უმნიშვნელოვანესი პრიორიტეტია.

მისივე თქმით, აშშ-ს პრეზიდენტის ადმინისტრაცია ჯერ კიდევ ფორმირების პროცესშია, მათ შორის, არაა დანიშნული ამერიკის სავაჭრო წარმომადგენელი, თუმცა საქართველო ამ საკითხს დღის წესრიგში მაინც აყენებს.

"ამერიკასთან სავაჭრო-საინვესტიციო ურთიერობების გაღრმავება არის ჩვენი ერთ-ერთი უმნიშვნელოვანესი პრიორიტეტი ორმხრივ დრის წესრიგში. კონკრეტულად, თავისუფალი ვაჭრობის შეთანხმებაზე.

ეს ყოველთვის იდგა საქართველოს მხრიდან დღის წესრიგში. ვიცით, რომ წინა ადმინისტრაციის პოლიტიკა ამ საკითხზე იყო ორიენტირებული რეგიონალურ პლატფორმებთან თავისუფალი ვაჭრობის შეთანხმების გაფორმებაზე. შესაბამისად, იგი არ უჭერდა მხარს ორმხრივი მოლაპარაკებების დაწყებას. რაც შეეხება კონგრესის მხარდაჭერას ამ მიმართულებით, ის უმნიშვნელოვანესია. ამერიკის პრეზიდენტის ახალი ადმინისტრაცია ჯერ კიდევ ფორმირების პროცესშია. არ არის დანიშნული ამერიკის სავაჭრო წარმომადგენელი და შესაბამისად, ველოდებით აშშ-ს ადმინისტრაციის ინსტიტუციონალურ ჩამოყალიბებას, მაგრამ ამ საკითხს დღის წესრიგში მაინც ვაყენებთ",- აღნიშნა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა