საფრანგეთის პრეზიდენტობის კანდიდატის ემანუელ მაკრონის განცხადებით, ის რუსეთის ფედერაციის პრეზიდენტ ვლადიმერ პუტინის დიქტატს არასდროს დაემორჩილება, - ამის შესახებ პრეზიდენტობის კანდიდატმა ოპონენტთან მარინ ლე პენთან გამართულ დებატებზე განაცხადა. 

როგორც მაკრონიმ აღნიშნა, ის ამერიკის შეერთებული შტატების პრეზიდენტ დონალდ ტრამპტან თანამშრომლობას აპირებს.

რაც შეეხება რუსეთის პრეზიდენტს, მაკრონის განმარტებით, პუტინი ბევრი საერთაშორისო საკითხის განხილვის დროს ზის მოლაპარაკებების მაგიდასთან, თუმცა არ აპირებს, პუტინის დიქტატს დაემორჩილოს. 

გარდა ამისა, საგარეო პოლიტიკაზე მაკრონის ოპონენტმა "ნაციონალისტური ფრონტის" წევრმა მარინ ლე პენმაც ისაუბრა. მარინ ლე პენმა აღნიშნა, რომ „საფრანგეთი უნდა იყოს საფრანგეთი“.

„საფრანგეთმა თავისი განსაკუთრებული ხმა დაკარგა, ვინაიდან ის გერმანიისა და აშშ-ის მიმართ მონურ მორჩილებას იჩენდა“, - განაცხადა ლე პენმა დებატებზე. 

კითხვაზე - რა დამოკიდებულება აქვს რუსეთის პრეზიდენტ ვლადიმერ პუტინის მიმართ, ლე პენი აღნიშნა: „რუსეთი საფრანგეთის მიმართ მტრულ დამოკიდებულებას არ იჩენს. არ მაინტერესებს, რა ურთიერთობაა აშშ-სა და რუსეთს შორის". 

თავის მხრივ ემანუელ მაკრონიმ დასძინა, რომ მას გერმანიასთან მუშაობაც სურს. 

„შეწყვიტეთ ეს სამარცხვინო ფორმულირებები“, - განაცხადა მაკრონმა. მისი თქმით, გერმანია საფრანგეთის მტერი არ არის. მაკრონი ფიქრობს, რომ ქვეყნის ეკონომიკის მთავარი მტერი ჩინეთია. 

საფრანგეთის პრეზიდენტობის კანდიდატების მარინ ლე პენისა და ემანუელ მაკრონის დებატები მსოფლიო მედიის ყურადღების ცენტრშია. უცხოური მედია საშუალებები წერენ, რომ დებატები საკმაოდ დაძაბულ ვითარებაში მიმდინარეობდა. 

შეგახსენებთ, რომ საფრანგეთის საპრეზიდენტო არჩევნების მეორე ტური 7 მაისს გაიმართება. ერთმანეთს ევროპული კურსის მხარდამჭერი ემანუელ მაკრონი და ევროკავშირიდან გასვლის მომხრე მარინ ლე პენი დაუპირისპირდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა

პოლიცია მატარებლებშიც იქნება

ივანიშვილის რეჟიმი ინგლისურ ენას ბავშვებს პირველი კლასიდან აღარ ასწავლის

ევროპის სახალხო პარტია: ჩვენ ყოველთვის საქართველოს ხალხის მხარეს ვართ