„ჩვენ ვიზიარებთ თქვენს ენთუზიაზმს და მხარს გიჭერთ ფისკალური რეფორმების განხორციელების პროცესში", - ამის შესახებ საერთაშორისო სავალუტო ფონდის ახლო აღმოსავლეთისა და ცენტრალური აზიის რეგიონის დირექტორმა, ჯიჰად აზურმა (Jihad Azour) საქართველოს პირველ ვიცე-პრემიერთან, ფინანსთა  მინისტრ დიმიტრი ქუმსიშვილთან შეხვედრისას განაცხადა.
 
შეხვედრას, ასევე, დაესწრნენ სავალუტო ფონდის მისიის ხელმძღვანელი ვერა მერსედეს მარტინი და სსფ-ის საქართველოს წარმომადგენლობის ხელმძღვანელი ფრანსუა პეშო, აგრეთვე, საქართველოს ეროვნული ბანკის პრეზიდენტი კობა გვენეტაძე და ფინანსთა მინისტრის მოადგილე ნიკოლოზ გაგუა.
 
პირველმა ვიცე-პრემიერმა, დიმიტრი ქუმსიშვილმა მადლობა გადაუხადა სსფ-ის რეგიონულ დირექტორს ნაყოფიერი თანამშრომლობისა და მთავრობის რეფორმების გეგმის მხარდაჭერის გამო. მისი განცხადებით, მნიშვნელოვანია, რომ საერთაშორისო სავალუტო ფონდის პროგრამა ეფუძნება საქართველოს მთავრობის 4-პუნქტიან გეგმას, რომლის მიზანსაც ქვეყნის ეკონომიკის ზრდის პოტენციალის გაძლიერება წარმოადგენს.
 
შეხვედრაზე, ასევე, განიხილეს ოთხპუნქტიანი გეგმის სტრატეგიული მიმართულებების მიმდინარეობა, დეტალურად მიმოიხილეს სივრცითი განვითარების რეფორმა და ქვეყნის საგზაო ინფრასტრუქტურის განვითარების გეგმები.
 
მმართველმა დირექტორმა ხაზი გაუსვა, რომ საერთაშორისო სავალუტო ფონდის პროგრამის წარმატებული განხორციელება მნიშვნელოვანი ფაქტორი იქნება მთავრობის ოთხპუნქტიანი გეგმის მიზნების მისაღწევად.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა