მარჯანიშვილის თეატრში სახალხო არტისტ გივი ბერიკაშვილს ახლობლები და მეგობრები ემშვიდობებიან.

ისინი სცენაზე სიტყვით გამოდიან და მსახიობთან გამოსამშვიდობებელ სიტყვას წარმოთქვამენ.

პანაშვიდზე სიტყვით გამოვიდა გივი ბერიკაშვილის მეგობარი, სახალხო არტისტი კახი კავსაძე.

კავსაძის თქმით, გივი იყო უდიდესი ადამიანი და ეს საქართველოსთვის ძალიან დიდი დანაკარგია.

“გივი იყო ჩემი ძმა და მე ის ძალიან დამაკლდება. ის იყო უდიდესი  ადამიანი, კიდევ უფრო  დიდი მსახიობი. მე ის ძალიან დამაკლდება. არამარტო მე, არამედ მთელ საზოგადოებას”– განაცხადა კახი კავსაძემ.

ცნობისთვის, გივი ბერიკაშვილის სამოქალაქო პანაშვიდი თითქმის დასრულდა. გარდაცვლილის ოჯახს კოლეგებმა, მეგობრებმა, პოლიტიკოსებმა და რიგითმა მოქალაქეებმა მიუსამძიმრეს.

გივი ბერიკაშვილს 15:00 საათზე, საბურთალოზე, ამაღლების ეკლესიის ეზოში დაკრძალავენ.

შეგახსენებთ, მსახიობი გივი ბერიკაშვილი 83 წლის ასაკში გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით