2017-04-09 18:10:27, 2004 ნახვა
საზოგადოება
ავტობანზე მიკროავტობუსის გადაბრუნებას ერთი ადამიანის სიცოცხლე ემსხვერპლა
ავტობანზე, რუის-ურბნისის მონაკვეთზე, მიკროავტობუსი გზიდან გადავარდა და ამობრუნდა, რის შედეგადაც ერთი ადამიანი დაიღუპა.
როგორც "ექსპრესნიუსს" შინგან საქმეთა სამინისტროს საზოგადოებასთან ურთიერთობის სამსახურში განუცხადეს, მომხდართან დაკავშირებით გამოძიება სისხლის სამართლის კოდექსის 276-მუხლის მეხუთე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
არსებული ინფორმაციით, მიკროავტობუსი ლილოდან ქარელის მიმართულებით მოძრაობდა და რამდენიმე ადამიანი გადაჰყავდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
