ჟურნალისტის მკვლელობის და ქვეყანაში კრიმინალის გაზრდის შემდეგ, მექსიკური გამოცემის რედაქციამ Norte de Ciudad Juarez მუშაობა შეწყვიტა, - ამის შესახებ BBC იუწყება.

მედია საშუალების ინფორმაციით, გაზეთმა ბოლო ნომერი კვირას გამოსცა. ახლა გაზეთი მხოლოდ ინტერნეტ ვერსიით გამოიცემა.

გაზეთის ჟურნალისტი მიროსლავა ბრიჩი ქალაქ ჩიხუახუაში მარტში მოკლეს. მიროსლავა ბრიჩის გარდა, ბოლო სამ დღეში კიდევ 2 ჟურნალისტი მოკლეს.

მოკლული ჟურნალისტი ორგანიზებულ კრიმინალურ დაჯგუფებებსა და მაღალჩინოსნებს შორის არსებულ კავშირზე მასალას წერდა. მიროსლავა ბრიჩი სახლთან ახლოს, მის კუთვნილ მანქანაში დაცხრილეს. მას 8 ჯერ ესროლეს. ამ დროს მანქანაში მისი შვილიც იმყოფებოდა, თუმცა ბავშვი არ დაშავებულა. ჟურნალისტის მკვლელმა ინციდენტის ადგილას წერილი დატოვა : "იმისთვის, რომ ხმამაღლა ლაპარაკობდა".

გამოცემის რედაქტორმა ოსკარ კანტმა აღნიშნა, რომ ქვეყანაში ვერავინ უზრუნველყოფს ჟურნალისტების სიცოცხლის უსაფრთხოებას.

"ცხოვრებაში ყველაფერს აქვს დასაწყისი და დასასრული. ასევე აქვს ფასი, მაგრამ თუ ეს ფასი ჩემი თანამშრომლების სიცოცხლეს წარმოადგენს არ ვარ მზად ის გადავიხადო", - აღნიშნა რედაქტორმა.

ცნობისთვის, 1992 წლიდან მექსიკაში 35 ჟურნალისტი მოკლეს, მათი უმრავლესობა წამებით მოკლეს. კიდევ 50 ჟურნალისტი გაურკვეველი მიზეზით მოკლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ