სამხრეთ კორეის ყოფილი პრეზიდენტი პაკ კინ ჰე დააპატიმრეს, - ამის შესახებ Reuters იუწყება.

მედია საშუალების ინფორმაციით, ყოფილი პრეზიდენტის დაკავების ორდერი სეულის სასამართლომ გასცა. მას მექრთამეობაში, ძალაუფლების ბოროტად გამოყენებასა და კონფიდენციალური ინფორმაციის უცხო ადამიანისთვის გადაცემაში ადანაშაულებენ.

მედიიც ცნობით, პროკურატურა კინ ჰეს იმ 13 კორუფციულ საქმესთან კავშირს ედავება, სადაც მისი ახლო მეგობარი ჩოი სუნ სილი ფიგურირებს, რომელიც შარშან დეკემბერში დააპატიმრეს.

ცნობისთვის, აღნიშნული კორუფციული სკანდალის გამო, თებერვალში ასევე კორპორაცია Samsung-ის ვიცეპრეზიდენტი ლი ჯეიონი დააპატიმრეს.

კორუფციული სკანდალი სამხრეთ კორეაში 2016 წლის ოქტომბერში დაიწყო, როდესაც პრესაში გავრცელდა ინფორმაცია, რომ მსხვილმა სამხრეთკორეულმა კორპორაციებმა, მათ შორის Samsung-მა, ქვეყნის მმართველთან დაახლოებული ქალის ჩოი სუნ სილის მიერ შექმნილ ფონდებში დიდი რაოდენობის ფული პრეფერენციების მიღების სანაცვლოდ გადარიცხეს.

მაშინ პრესაში გავრცელებული ინფორმაციის თანახმად, პრეზიდენტის მეგობარი, რომელსაც არანაირი ოფიციალური თანამდებობა არ ეკავა, ერეოდა პირველი პირის ადმინისტრაციის საქმეებში და კავშირების გამოყენებით სერიოზულ სარგებელს იღებდა.

ცნობისთვის, სამხრეთ კორეის პარლამენტმა პრეზიდენტს იმპიჩმენტი გასული წლის 9 დეკემბერს გამოუცხადა. მაშინ პროკურატურამ მის წინააღდეგ საქმე პრეზიდენტის იმუნიტეტის გამო ვერ აღძრა.

10 მარტს ქვეყნის პირველი პირის თანამდებობიდან გადაყენების მოთხოვნა საკონსტიტუციო სასამართლოს 7-მა მოსამართლემ დააკმაყოფილა, რის შემდეგაც პაკ კინ ჰემ იმუნიტეტი დაკარგა და პროკურატურას დაკითხვაზე დათანხმდა. 22 მარტს, ყოფილი პრეზიდენტის დაკითხვა 22 საათს გაგრძელდა.

პაკ კინ ჰე სამხრეთ კორეის მესამე ყოფილი პრეზიდენტია, რომელიც სისხლის სამართლის ბრალდებით დააკვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ