მაღალმთიან აჭარაში სამუშაო შეხვედრების ფარგლებში, აჭარის მთავრობის თავმჯდომარემ ზურაბ პატარაძემ ადგილობრივ ხელმძღვანელობასთან ერთად სოფელ მეკეიძეებში მშენებარე  საბავშვო ბაღი დაათვალიერა, იქ შეკრებილ მოსახლეობას გაესაუბრა და მათგან მოისმინა ინფორმაცია სოფელში არსებული მდგომარეობის შესახებ.  

მთავრობის თავმჯდომარე მათ მიმდინარე და დაგეგმილი ინფრასტრუქტურული პროექტების შესახებ ესაუბრა. ზურაბ პატარაძემ ხაზგასმით აღნიშნა, რომ მთაში მცხოვრებ ხალხს განსაკუთრებული გაფრთხილება  და ზრუნვა ესაჭიროება, რაც ჩვენი მთავრობის პირორიტეტია.

,,მიხარია, რომ პირველი ბაღი აშენდა ამ სოფელში. ეს არის კაპიტალური შენობა, რაც ძალიან მნიშვნელოვანია აქ მცხოვრები ბავშვებისთვის. ბაღის მშენებლობა მალე დასრულდება და მის გახსნასაც აუცილებლად დავესწრებით"-აღნიშნა მთავრობის თავმჯდომარემ.

25 აღსაზრდელზე გათვლილი თანამედროვე სტანდარტების საბავშვო ბაღის მშენებლობა კლიმატური პირობების გამო დროებით შეჩერებულია. სარემონტო და გარე ინფრასტრუქტურული სამუშაოები აპრილში გაგრძელდება და უახლოეს პრერიოდში დასრულდება.

მაღალმთიან რეგიონში სამუშაო შეხვედრების ფარგლებში აჭარის მთავრობის თავმჯდომარესთან ერთად განათლების, კულტურისა და სპროტის მინისტრი, ინგა შამილიშვილი და აჭარის საავტომობილო გზებისა და სამელიორაციო სისტემების მართვის დეპარტემენტის ხელმძღვანელი, არჩილ ჩიქოვანი იმყოფებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ