ნატოსა და ევროკავშირის შესახებ საინფორმაციო ცენტრსა და საქართველოს უნივერსიტეტს შორის ურთიერთგაგების მემორანდუმი გაფორმდა.

დოკუმენტს ხელი ცენტრის დირექტორმა ნინო ბოლქვაძემ და უნივერსიტეტის რექტორმა კონსტანტინე თოფურიამ მოაწერეს ხელი.

როგორც ჟურნალისტებთან საუბარში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ აღნიშნა, მნიშვნელოვანია სტუდენტებს ის ინფორმაცია მიაწოდონ, რომელიც საქართველოს დადებით ტენდენციებს ეხება ევროინტეგრაციის კუთხით.

„ვფიქრობ ძაან სიმბოლური დღე არის და დაემთხვა  კიდეც. ძალიან კარგია, რომ სტუდენტებთან გვიწევს ასეთი ინტენსიური ურთიერთობა. აქ 6000  სტუდენტი სწავლობს, მათ შორის უცხოეთიდანაც და ვფიქრობ მნიშნელოვანია დღევანდელი დღეს  მივაწოდოთ ინფორმაცია სტუდენტებს განსაკუთრებით იმ დადებითი ტენდენციების თაობაზე, რომელიც მიმდინარეობს ჩვენი ევროპული თუ  ევროინტეგრაციის თვალსაზრისით“, - განაცხადა დოლიძემ.

ღონისძიებას ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძემ დაესწრო, რომელმაც სტუდენტებისთვის საქართველოს ევროინტეგრაციის პროცესის შესახებ ლექცია წაიკითხა.

ღონისძიების ფარგლებში, უნივერსიტეტში ნატოსა და ევროკავშირის აუდიტორია გაიხსნა.

საინფორმაციო ცენტრმა მსგავსი აუდიტორიები უკვე გახსნა თსუ-ში, თავისუფალ უნივერსიტეტში, ღია სასწავლო და აღმოსავლეთ ევროპის უნივერსიტეტებში. აუდიტორია ევროპულ სკოლაშიც ფუნქციონირებს.

ცენტრის მიერ გახსნილი და აღჭურვილი სივრცეები განკუთვნილია ევროინტეგრაციის თემებზე დაგეგმილი ღონისძიებების განსახორციელებლად.

ღონისძიება ნატოსა და ევროკავშირის შესახებ საინფორმაციო ცენტრისა და საქართველოს უნივერსიტეტის ორგანიზებით გაიმართა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ