ქალაქ ზუგდიდის საკრებულოს ახალი თავმჯდომარე ჰყავს.

საკრებულოს წევრებმა ხმათა უმრავლესობით „ქართული ოცნების“ კანდიდატ ნატალია შეროზიას დაუჭირეს მხარი.

ახალ თავმჯდომარე პროფესიით ექიმია, თუმცა ბოლო პერიოდში ის ადგილობრივ თვითმმართველობაში სხვადასხვა პოზიციაზე მუშაობდა. ამასთან, შეროზია ქალაქ ზუგდიდის საკრებულოში ჯანდაცვისა და სოციალურ საკითხთა კომისიას ხელმძღვანელობდა.

შეროზიას კანდიდატურას მხარს არ უჭერდა „ნაციონალური მოძრაობა“.

უმცირესობის დეპუტატები აცხადებდნენ, რომ სხდომაზე ახლადარჩეულმა თავმჯდომარემ ქალაქის განვითარებასთან დაკავშირებით საკუთარი პოზიცია ვერ ჩამოაყალიბა.

ცნობისთვის, ახალი თავმჯდომარის არჩევა მას შემდეგ გახდა საჭირო, რაც 2016 წლის საპარლამენტო არჩევნებში ყოფილმა თავმჯდომარემ მერაბ ქვარაიამ ქალაქ ზუგდიდს მაჟორიტარად იყარა კენჭი და გაიმარჯვა.

შეროზიას არჩევამდე თავმჯდომარის მოვალეობას გიორგი თოდუა ასრულებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ