საფრანგეთის პრეზიდენტობის კანდიდატის „ნაციონალური ფრონტიდან“, მარინ ლე პენის განცხადებით, ევროკავშირის იშლება, რადგან ის მოსახლეობას აღარ სჭირდება, - ამის შესახებ BBC იუწყება.

"ევროკავშირი მოკვდება - ხალხს ის აღარ სჭირდება. მე ვსაუბრობ ემანსიპაციაზე, გათავისუფლებაზე. მოვუწოდებ ყველა პატრიოტის ჩვენი დროშის ქვეშ გაერთიანდეს", - განაცხადა ლე პენმა.

ამასთან, ამერიკის შეერთებულ შტატებში საგანგებო და სრულუფლებიანი ელჩის ჟერარ აროს შეფასებით, საფრანგეთში საპრეზიდენტო არჩევნები ევროპისთვის "სიმართლის ჟამი" იქნება.

ცნობისთვის, საფრანგეთში საპრეზიდენტო არჩევნების პირველი ტური 23 აპრილსაა დაგეგმილი. მარინ ლე პენის მთავარი კონკურენტები - ცენტრისტი ემანუელ მაკრონი და პროცენტრისტი ფრანსუა ფიიონი არიან. არჩევნების ფავორიტად ემანულ მაკრონი ითვლება. ექსპერტები ვარაუდობენ, რომ სწორედ მაკრონი გავა მეორე ტურში და მარინ ლე პენს ხმათა უმრავლესობით აჯობებს.

შეგახსენებთ, რომ მარინ ლე პენი ოფიციალური ვიზიტით მოსკოვში იმყოფებოდა, რა დროსაც ქვეყნის პრეზიდენტს ვლადიმერ პუტინს შეხვდა და სახელმწიფო დუმას ეწვია.

ამასთან, მარინ ლე პენი პრორუს კანდიდატად ითვლება. ის არაერთხელ აცხადებდა, რომ რუსეთის წინააღმდეგ დაწესებული სანქციები უნდა მოიხსნას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა